Cinnamoroll 登陸新港城中心！必影 5 大肉桂狗聖誕裝飾

之前有讀者問點解會話今年聖誕裝飾會有肉桂狗嘅？無錯！ 2015 年 Sanrio人物大賞第三名的 Cinnamoroll (肉桂狗) 去咗新港城中心同大家慶祝聖誕！今日我依莉詩就去睇定有咩必影位啦！

1) 超 Sweet 馬卡龍聖誕樹

肉桂本身就係一種經常放係甜品的香料，所以化身肉桂狗之後依然愛食！今個聖誕佢就決心要同大家分享不同國家的美食佳餚。係廣場中央肉桂狗同 Mocha一齊用法國著名的馬卡龍砌超咗一棵充滿甜蜜氣色的聖誕樹，望到都覺得 Sweet！

▲ 肉桂狗整小心翼翼咁將馬卡龍砌上聖誕樹呢！

2) 甜蜜蜜薑餅屋

歐洲美食之旅的下一站就係瑞典。肉桂狗化身星級糕餅師，烘焙創作充滿聖誕氣氛的甜蜜蜜薑餅屋，可愛的 Espresso更邀請大家坐上薑餅雪橇車，一起出發展開難忘的聖誕美食之旅！

▲ 薑餅屋四面的裝飾都非常細緻，真係想每邊都影番張相。

▲ 薑餅屋入面有個火爐，好有聖誕氣氛！

▲ 薑餅屋旁的 Espresso 更邀請我坐上薑餅雪橇車，超得意！

3) 醒神德國啤酒

然後去到以慕尼黑啤酒節享負盛名的德國，肉桂狗利用超過 3米高巨型木桶釀製出醇厚香濃的德國啤酒，與大家一起暢飲狂歡。

▲ 連酒杯都印有肉柱狗個胃食樣呢！

4) 濃情芝士火鍋

來到旅程第四站瑞士，Espresso 同 Mocha已經急不及待要率先品嚐有百年歷史的芝士火鍋。

5) Hea 爆傳統英式下午茶

旅程最後一站去到英國首都倫敦，大家可以同肉桂狗優雅地享用一頓傳統英式下午茶，三層甜品架上的甜品好好味咁啊！

▲ 紳士造型的肉桂肉坐係巨型茶杯入面，好興奮咁喎！

依莉詩點評

雖然話呢個場有 D 遠，而且只係得影相位又無 pop-up store，不過物以稀為貴，肉桂狗咁少搞展覽，加上配合埋甜品裝飾咁 Sweet，無理由唔去打下卡掛？

聖誕氣氛 ★★★☆☆

必影指數 ★★★★☆

 

日期：2015 年 11 月 21日至 2016年 1 月 5 日

地點：馬鞍山新港城中心 L2天幕廣場