上集 Elke 同大家講到點樣用 LG V10 輕輕鬆鬆影靚相同拍靚片(請按此)，但 LG V10 又點止得相機功能勁啵？今集 Elke 話要同大家分享下 LG V10 仲有咩特色，佢最鍾意呢個副屏幕嘅貼心設計。
雙屏幕設計 唔開主 Mon 都睇到通知
「平時開開熄熄手機個 Mon ，都係想睇下依家幾點、有咩通知同有無 Whatsapp ，嘥電之餘又驚好快撳壞個掣。」 LG V10 今次最特別嘅設計 – 雙屏幕，係主 Mon 正上方有個副屏幕。佢可以顯示天氣、時間、電池量同埋訊息通知，好似同我地依家手機上面條通知 Bar 無分別，但佢其實係獨立運作，即係就算你熄左個主 Mon 仍然可以睇到副屏幕，而且仲可以做一啲簡單嘅設定，例如開關 WiFi 或者電筒咁。
副屏幕用途多多 比開主 Mon 更慳電
「講得副屏幕，佢就係得平時手機個通知 Bar 嘅大小，所以即使長開住個副屏幕都唔會話好食電。」相比起其他手機，開開熄熄個大 Mon ，就係為左望一下有無訊息同幾點，其實長開副屏幕更慳電。佢不單止睇得，仲用得添㗎。一啲手機嘅設定例如 WiFi ﹑ 即時靜音同埋開電筒等，都可以係副屏幕輕易撳到；而且當主 Mon 開啟嘅時候，副屏幕就可以充當捷徑欄，擺一啲自己常用嘅 Apps 係副屏幕，咁就直接方便而又唔洗搵餐懵啦！
副屏幕加入個人簽名 盡顯個性
「副屏幕除咗可以做捷徑欄之餘，仲可以比我加入個人簽名或者簡短內容添啊。」可以加自己個名 ，個個都知部 LG V10 係我之餘又顯得更個人化；又或者可以加入自己鍾意嘅短句，好似 Stay Happy 同 Keep Smile ，雖然好簡單幾個字，但每次拎起電話都特別有鼓勵性，睇到個人都會特別開心啲啦！而且仲可以換唔同嘅字體，就返自己嘅喜好黎揀，夠晒個性。
專心睇片 免被通知訊息騷擾
「睇片終於唔洗再被無啦啦彈出嘅通知騷擾到啦！」鍾意煲劇，更鍾意搭車用手機煲劇嘅 Elke，最怕就係朋友不停 Whatsapp 彈出嘅訊息，又或者其他 Apps 嘅通知，明明好投入去女主角個心情中，無啦啦被通知，遮住主角個樣真係幾無癮。不過 LG V10 嘅副屏幕，其實就係將通知欄拆開左，最大嘅好處咪就係啲通知會去晒副屏幕，而我係主屏幕煲緊劇既時候就唔洗再被騷擾。
Elke：「細細個副屏幕 估唔到方便咁多」
一開始睇到個副屏幕，其實都係覺得將一般手機個通知欄拆開左出黎變獨立 Mon ，以為用途不大；但真係用落先至覺呢個睇落細小嘅設計竟然帶黎相當嘅方便啵。每一個 feature 我都覺得好貼心，以後開緊會或者睇戲嘅時候都唔洗怕開著個 Mon會光到騷擾到人啦！
Leave a Comment