Apple Watch 係今年較早時份推出，令 Apple 終於進入智能穿戴裝置市場，而市場反應似乎亦愈來愈好。今日 Apple Watch 嘅生產商，台灣廣達的主席林百里就透露 Apple Watch 二代正在開發中，而且將會繼續採用一代的 form factor，即係正方錶面設計，不過表現會比一代出色得多。
林氏更預計智能手錶市場會係 2016 年繼續發展，並變得更加成熟。至於 Apple Watch 二代嘅推出日期，林氏就未有明言，但預計中國媒體表示，應該係 2016 年第二季可以買得到，即係 Apple Watch 一代推出後剛剛一年，呢個都符合 Apple 一貫一年「同系列最多推出一件產品」嘅慣例。據消息指，Apple Watch 二代少量貨將會係第二季尾推出，而大貨就會係 2016 年第三季才陸續付運。
至於第二代 Apple Watch 究竟有咩新功能？會唔會支援 3G 網絡？會唔會新 Apple Watch 配件？名稱究竟會係 Apple Watch 2 定係好似 iPhone 咁，只係叫做 Apple Watch 1s？似乎暫時仍未有新消息。相信隨住 2016 年第二季愈來愈近，屆時應該會有更多更實在嘅消息吧？
來源：gforgames
新 iPad 發佈活動今晚舉行 預料時間僅 35 分鐘 首款 Apple 可摺疊屏幕產品 未來 2 年有望推出 Tim Cook：中國是全球競爭最激烈市場 但仍看好 AI 能回復消費者信心
