手機遊戲 Cookie Run 唔知你有無玩過，不過主角 Brave Cookie 就帶埋成班朋友由韓國跑嚟荷里活廣場同大家慶祝聖誕。今日我依莉詩就見識到佢地幾百厭啦！
Cookie Run 聖誕迷城
聖誕迷城佔地 3000多呎，主角「勇敢餅乾」 (Brave Cookie) 化身成 8 米高的大隊長，率領「探險家餅乾」(Adventure Cookie)、「粉雪餅乾」(Sugar Snow Cookie)、「活潑餅乾」 (Bright Cookie) 等薑餅好友，齊齊逃出聖誕女巫的焗爐，
▲ Brave Cookie 通過連串考驗，終於逃離焗爐啦！
▲ Adventurer Cookie 同 Sugar Snow Cookie 亦唔敢怠慢，加緊鍛鍊跳躍同滑行等閃避技能。
▲ Buttercream Choco Cookie 懶洋洋咁攤係禮物上面。
▲ Cherry Cookie 依舊拎住佢最愛的車厘子。
▲Tiger Lily Cookie 睇落非常狂野。
▲ Strawberry Cookie坐係薑餅廚房等大家同佢做手工。
熱烘烘照相館
影完聖誕迷城，可以到旁邊的熱烘烘照相館同遊戲角色影番張靚相。係星期六、日同聖誕節期間仲可以即場將佢印出嚟添！
▲ 聖誕節浪漫氛圍下，Brave Cookie 遇上了懂得施展魔法的 Pink Choco Cookie，並展開愛情長跑，佢地第一張合照都係呢度影架！
▲ 雖然係免費印出嚟，不過數量有限，唔好好似我咁，多手印咁多張出嚟啊！
聖誕版 Cookie Run 體感遊戲
平時用手機玩 Cookie Run 玩得多，聖誕迷城旁邊就有一個巨型版 Cookie Run，等你化身 Brave Cookie，跳入虛擬世界，係體力耗盡前避開重重障礙，逃出焗爐完成聖誕任務。
▲ 只要係逢星期五至日同 12月 21、23、24、31日憑場內當日任何消息金額的收據就可以玩一次。每日頭 50位達到指定分數仲可以得到 $50美食劵添！
夠薑手作坊
4 至 12歲小朋友更可以係指定日子憑場內一至兩間商戶消費滿 $300 的收據參加手作坊，製作 Cookie Run 糖霜曲奇或者 Cup Cake型手工皂。
▲ 小朋友可以親手為 Cookie Run角色畫上笑臉。
▲ 或者親手製作外型 sweet 的 Cup Cake 手工皂。
薑餅人新鮮精品
Buttercream Choco Cookie 一向擅長收集錢幣提升作戰力，為了提升隊友的能源 bar，佢將唔少 Cookie Run 精品帶到 Pop-up Store ，俾粉絲們帶番屋企。
▲ 擺設、文具、毛公仔等大部份都係香港首次開賣的啊！
▲ 聖誕點都要攬番隻毛公仔先得架嘛！
▲ 買番 D 薑餅人做聖誕樹掛飾都唔錯架！
▲ 著番對毛毛拖就暖笠笠啦！
▲ 呢幾個背囊超可愛呢！
▲ 手袋仔就最啱可愛的小女孩。
▲ File 就梗係要買齊一套啦！
依莉詩點評
薑餅人同聖誕本來就好夾，所以一定唔決聖誕氣氛。不過影相位集中係台中間，多人嘅時候就好難影得靚。幸好佢加入咗互動元素，變得多有睇頭，但如果想玩照相館、體感遊戲同手作坊就要睇清楚日子先得啊！至於 Pop-up Store 方面， Cookie Run 精品市面唔算太多，而且又啱做聖誕禮物，所以都幾值得買架！
聖誕氣氛 ★★★★☆
必影指數 ★★☆☆☆
必玩指數 ★★☆☆☆
必買指數 ★★★★☆
日期：2015年11月20日至 2016
地點：鑽石山荷里活廣場一樓明星廣場
分享到 :
最新影片
