咩事咩事！Facebook 近排多左幾個我地成日想 TagXhim 的人，繼有我地嘅特首喺早兩個星期前開通左個人帳戶，早兩日美國總統奧巴馬都開左個個人專頁出黎。唔好懶醒以為「車～奧巴馬一早就有 Facebook 啦！」雖然嗰個都有藍剔，但只係 公關技倆 黎架咋，留心啲睇下個「關於」，人地利申左架喇 ?
見到奧巴馬都開左個 Facebook 專頁，有啲身痕想做個大比拼俾大家睇，因為我覺得好有趣 XDD
我本來想整到好似啲雜誌咁，寫埋邊個贏邊個輸，不過好似唔係好公平咁～（笑）（幅圖有啲醜，我認我冇乜藝術細胞，請見諒）
Anyway，我覺得佢地兩位都好有吉屎開 Facebook，俾我地可以 TagXhim，但技巧上好明顯奧巴馬跑贏 N 條街喎，唔知係咪 Mark Zuckerberg 提水叫佢拍片有多啲 Reach，佢咁醒第一個 Post 就識得拍片 Post 上黎，哈哈！
不過阿特首同我地政府真係要學下野喇，琴日垃圾筒爆響口，「政府在使用新媒體方面，現時仍處於探索階段」，連我阿媽都識用 Facebook，政府都唔識好似差啲啵。最好笑係垃圾筒仲話「行政長官的 Facebook 帳戶和行政長官辦公室網頁一樣，由行政長官辦公室負責管理和更新，並運用現有資源處理有關工作」，作為小編的一份子，其實我都明嘅，我係唔會覺得被騙架！如果唔係個 20 個警察，同埋 Eric Chan （哎呀唔係），點出糧吖～不過希望佢地開個 Facebook 唔係為左一己私「肉」，真係做到同群眾互動，增加溝通啦。
Between，我覺得台灣民進黨嘅蔡英文個 Facebook 做得幾好，早兩日佢出左個 Post 熱烈歡迎 13 億人民感受自由的可貴，證明佢（嘅團隊）係有睇住啲數據出 Post，而且好有部署。我地特首（辦）應該唔會學奧巴馬呢啲外國勢力架喇，但都不妨參考下離我地不遠的台灣人吧，如果覺得台灣都仲係好遠嘅，其實不如叫特首辦向財爺辦請教下，財爺都做得幾好架，反正佢喺隔離之嘛。
延伸閱讀：
蔡英文 Facebook
數碼港女週記：你的 Facebook 如何，你也必如何
港女科技一週：做一個稱職的 Eric Chan
