Pochacco 登陸屯門時代廣場！ 3大影相位 + 必買精品

Pochacco 雖然好可愛，但就無乜主角命，不過粉絲們唔洗再等啦！今年聖誕 Pochacco 化身運動選手，係全港 8個商場同大家慶祝。而我依莉詩今日就去咗設有 Pochacco Pop-up store 嘅屯門時代廣場睇下有咩必買精品先！

1) 巨型 Pochacco 黃金獎盃

廣場中央有一個非常閃亮耀眼嘅頒獎台，你可以接過超巨型 Pochacco 黃金獎盃，一嘗登上冠軍寶座嘅滋味。同時，香港速度滾軸溜冰代表隊運動員（香港女子速度滾軸溜冰紀錄保持者）王蘊妮及香港甲一籃球選手蘇伊俊亦會現身商場，與運動健將 Pochacco 切磋交流，體驗動感開心的冬日假期。

2) 4.5米高冰感聖誕樹

另一邊廂，戴上型仔黑超造型嘅 Pochacco 係雪橇車上等你一齊體驗係雪地上飛馳嘅快感。抬頭仰望更會睇到不同造型嘅 Pochacco 坐上雪橇車，係 4.5米高嘅玻璃冰感聖誕樹沿迴旋滑梯向下飛馳，刺激程度滿分！

▲ 多隻 Pochacco 由 4.5米高嘅玻璃冰感聖誕樹沿迴旋滑梯向下飛馳。

▲戴上黑超造型嘅 Pochacco 係咪好型仔呢？

3) 滑雪 Pochacco 

穿上專業滑雪裝備嘅 Pochacco 係雪山上高速滑落，難度姿勢滿分！

Pochacco Pop-up store

影完相，粉絲可以到場內全港首間 Pochacco Pop-up store 購買多款Pochacco精品，保證滿載而歸，一擁心愛角色回家共度佳節！

▲ 雖然精品係 Sanrio 都有售，不過就好難一次過可以見到咁多。

▲ Pochacco15吋公仔 $303.9

▲ Pochacco 咕o臣 $229.9

▲ Pochacco 頭型杯連蓋 $69.9 (左)、Pochacco 有蓋陶瓷杯連匙羹 $109.9 (右)

▲ Pochacco 不銹鋼 (250ml) $149.9

▲ Pochacco 頭形水樽 (500ml) $79.9
▲ Pochacco 手錶 $279.9

Pochacco 限量精品換領

唔想買，但又想一擁心愛 Pochacco 回家共度開心聖誕？只需係屯門時代廣場、荃灣千色匯 I&II、元朗千色匯、沙田中心、沙田廣場及粉嶺中心，以電子貨幣消費滿指定金額，即可換領特別版 Pochacco 精品啦！

▲　12 月 5 日起以電子貨幣消費滿 HK$1,000 就可以換領 Pochacco 多用途帆布袋 。

▲ 11 月 21 日起以電子貨幣消費滿 HK$600 就可以換領 Pochacco 雙層收納盒。

Pochacco 同步活躍 5個商場 (11月12日更新)

除咗屯門時代廣場，Pochacco 亦都去咗荃灣千色匯、元朗千色匯、沙田中心、沙田廣場、粉嶺中心陪大家過聖誕。

▲ 荃灣千色匯嘅 Pochacco 就以單車選手造型現身，爭奪成為「單車一哥」！ 

▲ 另一邊廂嘅 Pochacco 已經係競技場上準備就緒，靜候各位運動健將親臨比賽。

▲ 走進沙田中心，Pochacco 及好友 Rachel 正在切磋花式滾軸溜冰技術。而沙田廣場將設巨型雪橇車及鏡面閃亮聖誕樹，大家可跳進雪橇車，與 Pochacc勇闖冰極世界，盡情享受探險玩樂的美好時光！

▲ 沙田廣場同樣設有巨型雪橇車及鏡面閃亮聖誕樹，大家可跳進雪橇車，與 Pochacco 勇闖冰極世界，盡情享受探險玩樂的美好時光！

依莉詩點評

雖然今次  Pochacco 展覆蓋 8個商場，不過每個場都唔算大，最大都只係屯門時代廣場，影相位亦唔算多。但 Pochacco 做主角嘅展覽確實少有，應該會有一定支持者。而且下星期開始，隔離屯門市廣場會有 Little Twin Stars 展覽，影完順路過埋去都得。至於 Pop-up Store，雖然 部份精品係 Sanrio 都有售，不過就好難一次過可以見到咁多，所以粉絲們應該會好興奮！

 

聖誕氣氛 ★★★☆☆

必影指數 ★★☆☆☆

必買指數 ★★☆☆☆

 

日期：2015年11月15日至 2016年 1月 3日 (上午10時至晚上10時)

地點：屯門時代廣場、荃灣千色匯、元朗千色匯、沙田中心、沙田廣場、粉嶺中心

分享到 :

最新影片