曾經有好多玩物擺在我的面前，但是我沒有珍惜，直到失去的時候才後悔莫及。人大咗總係想懷舊，但係懷舊是有代價的。要搵到有地方賣已經唔易，就算在2 手區或舊玩具店找到，很多時候都是「炒價」。今次 unwire 教大家足不出戶到日本網店找尋「中古」產品，你在香港死也找不到的中古東西可以在日網內有一堆，而且價錢很便宜。唔識點買 ? 咁講得當然有簡單方法教埋你啦 !
1. Gamebancho － game 帶重現
一講起經典game，魂斗羅、寵物小精靈、櫻花大戰、牧場物語、心跳回憶、超音鼠、龍虎之拳…數極都數唔哂! 好多game就算有再出，都搵唔返以前嘅感覺。各位機迷以前打唔爆某隻 game 嘅遺憾，依家有機會係 Gamebancho 彌補番。呢個網除咗有新嘅XBox、PlayStation 遊戲碟外，仲有好多舊式遊戲機嘅game 帶好似Gameboy、紅白機等，玩唔掂仲可以買埋本攻略。
▲ 紅白機嘅 game 帶小編真係未見過。
▲ 當年《幽遊白書》出咗好多 game，唔知大家又玩過幾多隻呢？
▲ GameBoy《寵物小精靈》可以話係 90後嘅童年回憶啊！
▲ 《街霸5》都就出，何解要買返隻 2？你問吓自己，當年你手上果隻係咪 floppy 咁樣，答我！
2. Superpotato － 懷舊遊戲機
買得舊 game唔用番舊遊戲機玩總係爭咁啲野咁，Superpotato 除咗有各種 game 帶仲有好多好難搵得返嘅舊家用機同手提遊戲機賣，睇睇下係咪好似返咗去以前遊戲機最輝煌嘅年代咁呢？
▲上哂神枱嘅任天堂紅白機而家只係賣￥5,378 (約HKD $343)。
▲Saturn, Dreamcast…SEGA主機陪住好多人成長，唔再出主機真係好可惜。
▲ 唔識依部係咩機?少年，你太年輕了
▲ 開 party 點少得有部 N64 玩 Mario 賽車
3. CREAmart － 黑盒 Tomica
細細架、款式又多嘅Tomica車仔無論咩年代都超多 fans。CREAmart 就有唔同年代嘅合金車仔出售，由最經典嘅黑盒到現在嘅紅白盒都有，睇啱邊架就揸番屋企啦喂！
▲ 黑盒嘅車仔完全反映出當時汽車嘅形態。
▲ 呢度日本車、歐洲車都有，當中仲有唔少特別版?！
▲激罕 Advan 拉花嘅 R32 都一度上過架，真心想買一定要捕住，因為佢地一收到，隨時會擺上網賣㗎！
4. Mandarake － 經典手稿、漫畫
Mandarake 係日本好出名嘅動漫產品買賣中心，除咗喺遊日必去潮聖地秋葉原有門市，其實佢地仲有個拍賣網站，專門拍賣一啲 70、80年代嘅動畫相關精品，例如：貼紙、雜誌、劇本等，甚至有唔少作者手稿拍賣。幾乎每個月都有新項目拍賣，識貨之人話唔定買到好嘢！
▲ 單睇呢幅《銀河鐵道999》嘅手稿就知道日本動漫製作幾認真。
▲ 除咗手稿，亦有作者簽名嘅彩色作品。
▲ 有興趣仲可以買番本《IQ博士》嘅劇本，跟住 D 對白讀?！
▲ 設計對白：吓！連足球小將動畫幻燈片都有!？
5. Corsair － 中古食玩
日本嘅食玩向來都非常精緻，細細件都可以有真實物件嘅功能。Corsair 就有大量 80、90年代食玩、模型、精品等，部份更加係限量版，極具收藏價值。
▲部份玩具係全新未開封，保存得好好。
▲ 鐵人 28 相信係唔少人曾經想擁有嘅 Figure 之一。
▲ 呢 D 細細隻嘅匙扣公仔，無論咩動漫角色都好，以前個個背囊都有一隻㗎！
6. Terrarium Record － 回味金曲
成日聽人講歌都係以前嘅好聽，Terrarium Record 就有 70,80,90年代嘅金曲，無論 JAZZ、ROCK 定 R&B 總有一首啱你口味。全部CD分咗四個價錢￥540、￥864、￥1080、￥1296。
▲ 以前嘅唱片封套設計非常簡約。
▲ 外國嘅唱片又係另一種風格。
▲ 除咗 7″ 亦有更舊嘅 12″ 唱片。
日本網店限制多
咁多間懷舊網店有無揀到啱心水嘅產品呢？不過好多時喺海外購物都好複雜，除咗睇唔明介紹同條款，部份網站仲唔送海外地區或要用當地信用卡付款。依家有好多代購網可以幫你買嘢再轉寄到你手上，但多數都只限於 amazon、淘寶等大型網購平台，想喺小店買嘢就要搵間服務全面又可靠嘅代購網。
8 折運費送港一條龍
幸好小編發現 Bid in One ，可以代購海外難買到嘅產品。原來除咗日本，中英美韓台大小網購店嘅貨品都包辦，而且一條龍搞晒運費、兌換貨幣、同賣家溝通嘅瑣碎細節，仲要依家喺以上網站購買有 8 折運費優惠?！
▲ 睇啱想買嘅嘢，只要填寫基本資料註冊做會員。
▲ 之後用信用卡、EPS、銀行入數或者直接去門市充值，咁就可以憑戶口金額隨時 shopping！
▲ 無論你喺大型網購平台定其他海外網店，只要填寫代購國家、代購網站、網址等資料， Bid in One 就會幫你處理訂單、重新包裝、收發貨物等，省卻所有繁複程序，等你完全無需費心！
有關 Bid in One 運費8 折優惠詳情： 點按此
分享到 :
最新影片
