今天發售的 Need for Speed 憑著超靚的電影感畫面引起 game 迷的注意，不過玩下去是否真的值得課金去買呢 ? 讓天恩及 duncan 為各位分享第一手玩後感
真實與 CG 混合 畫面真假難分
採用 Frostbite 3 engine 開發，黑夜賽道畫面細節十分豐富，在下雨晚上開車，路面水漬、車身/ 車窗/擋風玻璃上面的水點同埋 Bumper 彈起的泥土效果令人印象深刻。duncan 覺得係高速公路、天橘行駛時的風聲亦都同真車好相似，駕駛感覺更真實。
遊戲入面加入左大量既真人 Video 場景，最特別係將真車同埋 CG 跑車係畫面入面同時出現，真假難分而係過場之後畫面一轉就剩低架 CG 跑車，好正~ 感覺更加逼真。此技術其實是將真實影片，然後實時「Key」番你的愛車進去影片上跟隨鏡頭移動。
而車身的受損程度會視乎碰撞有幾嚴重，而車身 high 牆、撞到障礙物的效果(如: 火花、垃圾桶、燈柱、路牌的物理效果都好好)
試玩頭幾場比賽 差點掉進 2 手巿場
感謝 Duncan 的介紹，現在天恩講講操控感。其實我其實對非 60 FPS 的賽車感興趣不大，畫面幾靚都無用， FPS 一低就失去速度感難於投入及操控， 例如 PS4 的 Driver Club 或 Forza Horizon 都是低 FPS 失平衡的作品，一味只顧畫面美沒有顧及賽車最重要的速度感，當然有很多人覺得沒有問題，但天恩卻不行
開始試玩此 Game 感覺也是一樣，全無速度感只有畫面靚，玩完幾場比賽後就想掉到 2 手巿場。不過既然買了又想寫評測就硬著頭皮玩下去
更失望的是這 game 沒有 in car 儀錶視角，天恩玩賽車除了 Ridge Racer / F.Zero 這類非地球物理型的賽車遊戲外，都堅持使用車內視點 ! 不是要炫耀技術，而是車內視點比較有速度感及容易「預位」。今集 NFS 保持「傳統」沒有儀錶(dashboard)視角，雖然缺乏真實感但車頭 view 感覺還可以
轉到此視點後速度感有不錯的提升，估計是因為省卻計算(第三視點)車身的反光，終於變回「人玩」的賽車遊戲，不再是駕著一台顯示 180 km/h 但感覺如電車的 game。其後拿到零件升級，速度感再進一步提升，再加上街景效果實在非常美，彌補了沒有 60FPS 的不足。
物理平衡度夠過癮
天恩非常喜歡玩 Forza、GT、F1 這類 60FPS 模擬賽車，每一下油門及剎車都要恰到好處才能穩定行車，不過明白很多玩家覺得難上手唔夠過癮，可是 Ridger Racer 這類純為過癮飄移又太過失真。 NFS 其實在遊戲／真實間的物理取得一個很好的平衡，你仍然可以通過簡單的 tune 車修改車子的特性，仍然可以玩甩尾但不會讓你 280km/h 高速入彎成功。這樣不太易又不太難的賽實特性，很容易讓人取得成功感又玩得盡情。
新手秘訣 有錢即升級不要等
最吸引的地方就是可以如 underground 一樣把街車改裝，不同改裝 parts 讓你的愛車外型變得更惡，可是外型 parts 就沒有 underground 多。天恩給大家一個貼士，就是「不要儲錢」。很多時我們玩賽車 game 會用自己的技術贏錢，不升級新手車，一次過儲錢換一台強勁新車更化算，不過在這 game 裡絕對不能這樣做，最好一有錢就去 upgrade 到頂。可先解紫色任務盡快解除零件限制，偶爾也玩玩青色 mission，完成每一個 mission 一解 lock 就即升不要懶回車房 ! (回車房可以按回 Menu 選擇，不用在 MAP 中傻傻地走) 盡快把新手車升爆，不然你很快就會卡關。
容易行錯路
有一點玩得不過癮是 NFS 模擬城巿的真實賽道，很多時分叉路多加上 GPS 顯示又不清晰，很容易走錯分叉路失去時間，最慘的是它不像 underground 那樣條條大道通羅馬，行錯路要 U Turn 折返，而不是甚麼的 shortcut 。
拉花比較兒戲
垃花系統在此 game 是比較失色，雖然是貼紙任貼，但其實花款不多，而且貼紙不會跟身車的弧度修正。檔風玻璃頂的貼紙，如果你把打橫一條的貼紙貼上去後，仍然是直的而不是微微 U 型…. 車身的貼紙如果要修改，就必需把你想修改的貼紙先移到最頂的 Layer，才能刪除或改變大小顏字，十分不便。而車身兩側是不能 copy 的，你花精神完成左側後，右側又要重新攪一遍，有機會出現兩邊貼得唔 balance 。
甚麼時間都要 online
此遊戲雖然有電腦任務但其實也要 Online 其他玩家會進入你的遊戲，未必大家一定要 PVP 挑車，可以同時解電腦的任務。問題來了，如果玩家 A 執行的任務是上山，你的任務剛好是下山，你會可能會遇到玩家「對頭車」。玩家多數行得比電腦「霸道」，連線品質稍差時會看到玩家的車一閃一閃實在非常難避，天恩試過幾次撞到其他玩家的對頭車..
5 大遊戲玩法 (1.Speed / 2.Style / 3.build / 4.crew / 5.outlaw)
遊戲中玩家有 5位朋友(上圖) 負責呢 5 種遊戲玩法，佢地會不斷以手機 / 短訊叫你出席活動(觸發比賽)/ 隨機比賽而出現。
1. Speed —
顧名思義就是速度賽 / 時間賽，甚至係 free run 時以高速行駛都一樣可以獲得 REP(聲譽) 。可單機亦可和朋友 / 網友 對戰，不要以為參賽就可以專心鬥快, 小記測試時成日鬥緊車比警察殺出黎追，又要擺脫追捕，又要贏比賽,難度不低。贏出比實就可以賺錢 +REP(聲譽)，呢個模式亦係遊戲最 comment 同最易既一種。
2. Drifting —
比賽 / free run 時做出甩尾/跳躍等動作就可以增加呢個分數,你亦可以參加特別既 Drifting 比賽來提升 REP 同賺錢。
3. Build—
隻 Game 有超級多的 Options 可以升級，只要係車庫就可以用你賺到既錢去瘋狂升級，由外觀換色、貼紙、包圍….到升級Turbo、換引擎、車軚、逼力都有得改，鐘意車既朋友一定會好鐘意。不過要改車大前題下你要賺到好多錢，大家都係努力贏比賽賺夠錢先講。
4. CREW—
講求 Team work,要同遊戲中的朋友 / 隊友一齊比賽，合力贏出比賽升 REP，較常見的有甩尾比賽。
5. Outlaw—
NFS 其中一個最 iconic 既模式,逃避警察 – 超速/撞到野之後又或者比賽緊既時間隨時會有警察殺出，仲會拖馬,同時比3-4部警車追都好平常，你要用最短方法去擺脫佢地。當你成日比警察追而由走得甩，你係 outlaw 方面閱既經驗就越高，你係遊戲入面既 REP亦會不斷增加。
Overall 玩後感
遊戲的故事性同埋 free run 配合得幾好，雖然你會接到好多電話 / sms call 你做野,不過你可以選擇唔聽,又或者得閒先理佢,唔駛擔心會 miss 左比賽，因為你一日唔覆佢地就會 call 爆你,所以冇必要比賽緊既時間去聽電話(小記就係咁炒左車…..)。
同其他人鍊緊車接電話絕對係一件錯事，千其唔好、唔好、唔好(太重要所以講 3 次) 咁做, 比賽完左先接慢慢唔遲。
係遊戲入面比警察追只係罰款了事(好小事)，即使佢未截停你,但好果一路跟住你、距離太近都會一路扣你錢(罰款),建議一係快快飛甩佢,一係就停車罰錢了事，唔係可以唔見好多錢。當成功擺脫警車追捕會有冷靜期，只要過多 5-10 秒就可以正式宣告安全，擺脫後又未過冷靜期再遇到任何警車，又會即時再被追捕，所以最好就熄車停埋一邊避一避風頭比較容易擺脫追捕。呢個亦係隻 game 最正既地方，小記覺得逃避追捕比起比賽贏左滿足感同剌激度都更高呢!
聽開發團隊介紹，新一集 NFS 地圖係上一集既 2 倍大小，好處係你有更多地方可以去,兜風，擺脫警察，壞處係地圖太大，點與點之間的距離比較遠，所以一開始要快手學識睇地圖同埋 mark 路線，唔係會行好多冤枉路。一開始既時候可能大家唔知有咩好做,其實只要得閒睇下手機既 SMS 又或者按 L1 聽電話，就會知道下一步有咩要做架啦。
Leave a Comment