「傳說中有個女王在世上，長長頭髮，兩眼似星光……」聽到呢個歌詞，就算連依莉詩我未經歷過 70年代末、 80年代初都聽過。而今個聖誕，東港城搖身一變成為松本零士嘅幻想時空，登上銀河鐵道 999 列車，尋找千年女王。事不易遲，出發啦！
今次東港城嘅聖誕佈置係由日本國寶級漫畫大師松本零士親自監修而成，並將佢筆下嘅科幻世界以 1:1 3D實景呈現。《銀河鐵道999》中嘅美露達及車掌であり、《千年女王》嘅雪野彌生及雨森始，以及宇宙海賊夏羅古等經典人物都從浩瀚宇宙中來到這裡同大家一齊渡過浪漫嘅聖誕佳節。另外，月台間設有「幻影浮空投影技術 hologram」裝置，以欣賞雪野彌生穿梭於投射出嘅立體宇宙時空。
▲ 場地中加入唔少冬日元素，除咗擺放著一棵棵銀白色嘅聖誕樹，就連銀河鐵道嘅車卡鋪滿積雪。
▲ 熟讀銀河規則嘅車掌であり正監察著每位乘客嘅活動。
▲ 銀河鐵道 999 列車已經駛進冬日月台，我地可以隨時登入車廂。
▲ 《小甜甜》作者五十嵐重新繪畫嘅《
▲ 你可以坐上宇宙觀景亭內嘅女皇寶座，一嘗當千年女王嘅滋味。
長達 18米 嘅銀河鐵道 999 列車經駛進冬日月台，車頭微微向上朝著星空。登上車廂會見到美露達準備陪伴乘客向下個星球進發，而另一個車廂就有多個電子屏幕窗戶，播放列車由地球出發穿越星空嘅影像，坐上特製座椅，仿如故事主角般乘著 999 列車穿梭宇宙，欣賞銀河壯麗景致。
▲ 美露達坐在列車上，等待前住下一個星球，想同佢影相就要快啦！
▲ 另一車廂上有多個電子屏幕窗戶，播放列車由地球出發穿越星空嘅影像，坐上會震嘅特製座椅，就好似係宇宙穿梭一樣。
係展館車廂入面更會展出松本老師入行 60年來嘅珍貴手稿及收藏，當中包括松本老師為今次展覽重新編畫嘅香港版全新畫作、逾20 幅日本空運到港嘅動畫手稿及原畫、以及松本老師筆下主角特別版手版模型等，幕幕經典情節盡顯眼前。此外，松本老師與五十嵐優美子破天荒合作嘅手繪亦會全球首度展出！
▲ 松本老師親筆下嘅宇宙海賊夏羅古同美露達。
▲ 最右面嘅畫作係松本老師係揭幕禮上即場繪畫嘅作品。
▲ 展出嘅特別版手版模型，唔知你屋企又有幾多個呢？
▲ 每一個特別版手版模型都栩栩如生。
另一邊廂，《銀河鐵道999》女主角美露達被潮流兼人氣女星松岡李那重新設計出 Hip Hop 、Punk Rock & Roll、民族服、婚紗等 10個摩登造型，其中以由松本老師設計，樂隊Daft Punk《One More Time Fever》MV中動畫人物嘅新潮形象最為矚目。
▲ 全新造型嘅美露達流行指數絕對比得上現今嘅時裝。
▲ 美露達無論著上婚紗或是中國風服飾都一樣咁女神。
打完卡、睇完展覽，跟住 shopping 是常識吧！場內嘅松本零士 Pop-up Store 不但有日本直送嘅角色人像模型同複製原畫，仲有唔少精品同香港展覽限定版商品，粉絲們點都要帶番件番屋企！
▲ 雖然 Pop-up Store 面積唔算大，不過粉絲見到一定大出血。
▲ 呢幅 3D畫非常特別，宇宙戰艦完全係衝出畫框。
▲ T-恤上嘅圖案唔止美露達咁簡單，細心睇仲有香港嘅渡海小輪。
▲ 呢款 Tote Bag 都係香港展覽限定版商品，上面有渡海小輪同維港景色架！
▲ 杯上面都有太空館同文化博物館圖案。
▲ 帶住呢個水樽踩單車，咁美露達就時時陪住係啦！
▲ 用 iPhone 嘅朋友更加可以換上呢個 case 添！
▲ 而呢本書記載咗松本老師入行 60年來嘅畫作，入面仲有訪問添架！
▲ 原來松本老師初期嘅畫風好少女，個個人物都有 bling bling 大眼。
日期：2015年11月4日 至 12月 27日 (上午10時正至晚上10時正)
地點：東港城 1樓展覽場
