一個屋企嘅女主人肯唔肯入廚，廚房嘅大細真係好重要。不過以依家嘅窩居，想有一個廚房都難，更何況係一個可以放得落嵌入式家電嘅廚房。相信今日要介紹嘅西門子 iQ700 嵌入式家電應該係每個女主人夢寐以求嘅產品。
iQ700 系列最矚目嘅係 「varioSpeed 焗爐添加 pulseSteam」，佢嘅功能同個名一樣咁複雜，不但有可以混合微波輔助加熱功能，比起傳統焗爐節省 50% 烹調時間，更有自動添加蒸汽功能，如果烘焗時食物太乾就會自動噴灑蒸汽，等食物外脆內軟。而且仲可以無需預熱焗爐，直接根據冷藏食品包裝上說明嘅時間加熱，講求速度同時又不失食物味道。無論蒸大閘蟹、烤雞定焗乾果都得，一部機就可以整多種菜式。
▲ 呢部 60cm 嘅 「varioSpeed 焗爐添加 pulseSteam」黑色機身配上玻璃面板，並以鈦合金鑲嵌，外表簡潔時尚。
▲ 雖然呢個焗爐非常多功能，不過並唔難控制。透過高清全彩輕觸式 TFT 顯示屏就可以輕鬆選擇烹煮模式。
▲ CoolStart 更能可以無需預熱焗爐，直接根據冷藏食品包裝上說明嘅時間加熱，講求速度同時又不失食物味道。
▲ 水箱收藏係顯示屏下，唔怕打開加水會影響爐溫。
▲ 如果屋企有呢個焗爐，真係晚晚諗新菜式都願。
對咖啡講究又講效率嘅人一部膠囊咖啡機未必滿足到你，而呢部嵌入式咖啡機不單可以裝咖啡粉，咖啡豆感應系統仲會因應不同咖啡豆而調配適當嘅研磨時間，按掣後可以一次沖兩杯咖啡。而 sensoFlow System 發熱線系統會確保沖壓水溫穩定，以最適合嘅水溫將咖啡豆發揮得最好。另外，全自動奶泡清潔系統會自動以蒸汽沖洗奶泡器，等你每次沖調奶泡飲品之後都唔洗慢慢洗。
▲ 咖啡機下可以收藏多個咖啡杯。
▲ 咖啡機同樣可以透過高清全彩輕觸式 TFT 顯示屏選擇沖泡咖啡類型。
▲打開咖啡機，所有配備都一目了然。
▲ 拉開櫃桶可以放置原粒咖啡豆。
▲ 亦可以選擇放入咖啡粉。
▲水箱內置有過濾式，唔怕水放得太耐。
▲ 奶樽有保溫功能，唔怕鮮奶太熱或太冷。
售價：
varioSpeed 焗爐添加 pulseSteam (HN678G4S1B)：$43,800
嵌入式全自動咖啡機：$39,800
查詢：博西華家用電器有限公司 (2565 6151)
