明明就到中秋，但唔知點解天氣仲熱辣辣，想行下山，去下野餐都驚中暑，唯有行下商場啦！襯最近無乜自由行，我依莉詩今日就去咗海港城睇下有咩搞作。
「韓國潮語」立體字型花燈
雖然我都喺港女 (香港女仔)，但去海港城都唔一定喺 shopping 既，去睇下「韓國潮語」花燈盛會，感受韓國的文化氣息一樣得。由今日到 10月11日，喺海運大廈露天廣場會有近百個韓文立體字型花燈展出，期間仲會有韓國人氣搖滾音樂劇 Fanta–stick 表演。小朋友仲可以學用毛筆寫韓文同參加跆拳武術班添！
▲ 逢星期六、日同公眾假期都有舉辦韓語或跆拳道速成班。只要報名之後即場捐款HK$100 或者即日消費滿 HK$400 就可以參加。
韓國民俗遊藝園
講到韓國遊戲，相信大家都喺由 Running Man 度認識。咁大家又知唔知投壺、踢毽子、尤茨同甩板喺咩呢？呢度就有 4個韓國傳統遊戲攤位俾大家玩下贏取韓國嘅小禮物一份。
▲ 唔好以為佢喺飛行棋，其實呢個叫尤茨，喺韓國春節期間家人一起玩嘅傳統遊戲。
▲ 投壺喺源于古時中國嘅投擲遊戲，以前得上流社會同地方的鄉校書院先有得玩架。
Oppa 幫你整粟米
玩到攰攰地，都喺時候食 D 嘢。聽聞海港城最近開咗間 The Joomak，喺韓國好出名架！仲有 Oppa 即場幫你整粟米，等你唔洗食得咁失禮。正呀！
▲ The Joomak 燒粟米 ($78) 甜甜嘅粟米上面有巧多巧多芝士粉，唔怪得 D 人食上癮啦！
▲ 睇過星星嘅都知炸雞同啤酒喺絕配，呢個卡邦尼炸雞 ($118) 加咗濃郁嘅卡邦尼汁，食落就唔怕熱氣啦。
▲ 一個完美嘅午餐，甜品一定唔少得。呢個甜品紅豆綠茶布甸罐 ($88) 有 2人份量咁多，食落除咗啖啖綠茶味之外，仲有桂花嘅香，岩晒鍾意綠茶控。
世界動物日明信片展覽
食飽飽一於轉下 channel，去關心下頻危動物。喺港威商場四階平台有一個世界動物日明信片展覽，展出咗十個本地創作單位 cross over 繪畫嘅 10款動物明信片。同場仲有明信片義賣。
▲ 雖然個展覽細細地，不過要經過呢度先去到動物藝術創意工作坊啦！
▲ &dear 聯同 10個本地創作單位為綠色力量作籌款所繪畫嘅動物明信片每張 $20 ，張張都好靚架！
動物藝術創意工作坊
睇完展覽就可以去參加動物藝術創意工作坊，&dear團隊會教大家用簡單材料造出不同的紙模型動物佈置，教大家認識動物同學習環保資訊。
▲ &dear 整出嚟嘅抱抱動物好可愛呢！
▲ 喺整抱抱動物嘅過程中，&dear 一邊同我介紹咗好多動物我唔識嘅動物。
▲ 唔洗半個鐘，我隻抱抱半島叉角羚出世啦！
分享到 :
最新影片
