Apple 自從推出了 ApplePay 付款功能之後，在擴展版圖上算係極為小心翼翼，先係舊年於美國推出相關服務，然後再係今年七月推廣至英國，亦盛傳會係今年年底於加拿大推出。好多人都諗緊：究竟 ApplePay 下一站會係邊？最近有消息指 Apple 打算會以中國作為 ApplePay 推出的第四站！是否感到驚訝？初聽時係，但睇番近年 Apple 的營商策略，就唔會感到驚奇了。
據消息表示，雖然 ApplePay 於美國本土取得不錯的表現，但自七月起於英國推出後，反應只屬一般；而盛傳將會今年年底於加拿大推出，亦沒有引起太多人注目。據稱 Apple 希望進一步提升 ApplePay 的使用率，所以有機會選擇 iPhone 使用率頗高的中國市場作為推出呢項付款服務的下一站，並已在 6 月 10 日於上海登記了一間名為「Apple Technology Service Shanghai Ltd.」的公司，該公司業務將會包括「提供付款範疇的諮詢、服務及系統整合服務」，擺明是為推出 ApplePay 作出準備。據稱首個中國試用 ApplePay 的試點將會是上海自貿區。如果試用效果理想，有望擴展至中國全境。
當然，要在中國推出付款服務，必需要接受中國政府「監管」，以及獲央行批准才能推出。據稱 Apple 打算與掌管中國所有 NFC 付款的銀聯（UnionPay）商討合作可能性，並透過與銀聯合作推出 ApplePay 付款服務，不過據知 Apple 與銀聯的商討過程並不順利，既緩慢亦成果不大。而中國政府的條件及保安程度的考慮，令 Apple 較難與銀聯達成最後協議。市場亦有傳 Apple 亦有考慮與阿里巴巴合作，將 ApplePay 與 AliPay 的系統整合，但由於 NFC 付款大權始終掌控於銀聯手上，所以就算點都好，始終都要過銀聯呢一關。
究竟 ApplePay 是否能最終登陸中國？暫時似乎仍是未知之數。不過既然 Apple 願意投資 1,340 萬美元開設上文提及的上海合資公司，睇來要係中國推出 ApplePay 的決心，應該非常大吧？
來源：Fidelity
