之前 Tesla 發佈的 Model S，唔知大家見到呢部電動車係咪好心動呢？Tesla 剛剛就宣佈係香港推出換車（Trade-in）服務，車主們無論你係擁有 Tesla Model S 定係其他品牌的汽車，都可以透過 Tesla 的合作伙伴一站式賣舊車兼買新車，唔洗自己搵人買咁辛苦。
據官方新聞稿表示，今次 Tesla 在港推出 Trade-in 服務，是首個獲此服務的亞太區市場，可見 Tesla 十分重視香港市場。Tesla 表示希望推出呢項服務，可能完善 Tesla 用戶的體驗，簡化換車流程，從而鼓勵大家輕鬆轉用電動車。
另外，如果成為 Model S 車主，更可以享有多項優惠，包括：首次登記稅豁免、低牌費及低保養維修支出等。連同 Tesla 係今年 4 月推出的回售保值（Resale Value Guarantee）計劃，保證 Model S 將來的保值率將高於市場上任何量產高級房車，今次已是 Tesla 係香港第二次推出貼心服務。唔知呢兩項服務，足唔足夠令大家買番部 Model S，向電動車投下信心一票呢？各位 wire 民車主，歡迎傾下！
分享到 :
最新影片
