大家好！我係 Esterlie ，平時好鍾意用手機影相，不過最近部電話壞咗，budget 又有限，聽講依家啲平價機質素已經好夠我哋呢啲學生哥用。點知就俾我發現到呢部港產 NUU Mobile Z8 ，唔單止影相質素好，連自拍都有番咁上下水準，性價比好高呢！就等我分享一下平時點用佢啦！
影相自拍都靚
難得嘅喺 NUU Mobile Z8 主鏡頭不但有 1,300 萬像素，就連前置鏡頭都有 800 萬像素，好少機有咁高像素架！女仔用嚟同朋友仔 selfie 就啱晒。唔知你有無試過用神棍自拍，隻手唔夠長按快門呢？呢個時候手勢拍攝模式就幫到你啦。只要喺 selfie 嘅時候揀好設定，然後喺鏡頭前面擺個 V 字手勢，相機就會自動倒數 3 秒之後影相，咁就唔洗下下伸長隻手按快門啦！
▲ NUU Mobile Z8 主鏡頭有 1,300 萬像素，影風景一樣好清架！
▲ 解像力不錯，睇得出樓宇的邊緣都夠銳利！
▲ 擺個 V 字手勢就可以自拍，咁就唔洗下下伸長隻手按快門，方便好多呢！
拍攝模式好多野玩
除咗自拍外， Z8 仲有好多拍攝模式可以玩。例如畫中畫模式就可以同一大班 friend 影 groupie 個時影埋揸機個個人既樣入去，咁就唔怕永遠都唔齊人啦！而多重角度檢示模式就可以影一張類似小型全景相，只要圍住物件或者人，就可以一次過影晒主體嘅唔同角度，好過癮架！
▲ 用了畫中畫模式就可以隨時將自己 Key 去邊個位，仲可以動動腦筋諗下點擺位，砌成一張有趣得意嘅合照添！
▲你哋睇下，我似唔似將自己痴咗喺牆上的其中一張 CD COVER 呢？
▲ 用上多重角度檢示模式，只要跟住手機嘅指示做，就可以一次過影晒物件嘅唔同角度。
▲ 一張相影完出黎就可以喺手機到拉左拉右， 360度睇番成隻招財貓，就好似睇緊 3D 相咁架！
對焦儲存快
要留住精彩一刻，相機對焦速度一定唔可以慢，而 Z8 採用原生 Android OS 介面，再配合自己設計嘅程式，所以無論入相機、對焦同埋 save 相都好快，咁無論表情點變都可以瞬間捕捉到啦！
▲ 女仔最鍾意就喺對住鏡頭不斷轉表情，對焦夠快，自拍自然更加爽啦！
▲ 連續影好多張，再揀一張最自然最靚嘅放上網是常識吧！
▲ 用 NUU Mobile Z8 自拍自動白平衡夠準，補光亦尚算自然。
唔知各位 unwire 嘅讀者又鍾唔鍾意我今次介紹嘅手機呢？
售價：$1,790
查詢：NUU Mobile (電話: 2725 0161， 更多資料點按此)
