notebook 講真細極有限，就算係出名輕薄嘅 mac book，帶出街都真係幾煩㗎！今次我地就請嚟 Genesis 同 Sally 一齊分享下平時點帶 notebook 出街／返學啦！
有時電腦就唔一定要用電腦袋裝住，可以用薄身嘅電腦套套住，然後放入去 A4 size 嘅 tote bag 入面。咁樣「電腦袋」就可以多 D 選擇，同時間又唔會怕電腦唔夠保護啦。趁秋冬重未來臨，就緊係要抓緊春夏嘅尾巴。用碎花 pattern 嘅 tote bag，又百搭，望落又醒神！
小編都見過唔少朋友都係咁做，尤其係擁有 13吋 mac book air 嘅朋友就更加常會出現呢個情況。就咁放入袋就固然會方便啦，但危險性都有㗎，所以唔好忽略保護嘅步驟。最好就買返個保護套套住，或者係用「相機布」原理，用一 D 外套或者厚嘅衫包住個電腦。
格仔 pattern 呢種長青款就緊係襯咩都適合啦，但日日用，日日見，我唔悶，你都悶啦。所以，小編比個小 tips 大家，可以用絲巾綁係袋嘅手帶位置，不單加添新意，望落重好 elegant 添。網上重有好多唔同嘅綁絲巾教學，有興趣可以 search – scarf on bag handle，youtube 就會有大把片教你㗎啦～