上個月都有提過 LINE FRIENDS 專門店登陸香港 (可以睇番呢篇文)，不過就只喺開咗一半，只喺得 T-恤同少量精品賣。好彩噚日另外半間 Store 終於開埋，唔單止多咗 500款精品、毛公仔俾你揀，希慎廣場門口仲有大大隻「紅心熊大」坐鎮，我依莉詩就去咗見證熊大同兔兔呢份恆久真摰嘅愛情啦！
喺未介紹專門店有咩賣之前等我講個故仔俾大家聽下先，就喺 8千8百年前，熊大嘅戀人兔兔被壞蛋捉走咗，熊大為咗拯救自己心愛嘅兔兔喺香港展開連場激戰。雖然熊大最終成功救到兔兔，不過就身受重傷，兔兔亦傷心到流下眼淚，而滴落嘅眼淚變成咗紅心永遠封印喺熊大身上，成為愛的印證。聽落喺咪好感動呢？所以後世就有人整咗個「紅心熊大」塑像放喺希慎廣場門口，等大家同佢合照，以祈求得到真摯嘅愛情。
▲除咗「紅心熊大」，旁邊仲有人咁高嘅熊大同兔兔俾大家影相。
▲ 而另一邊就有饅頭人阿 Moon 擺出勝利手勢。
▲ 講咗咁耐，其實影相未喺重點啦！重點喺由 9月3號至 28號，只要同「紅心熊大」影張合照再放上 LINE、Facebook 或 Instagram，並加上指定 #hashtag，就可以每日 1點鐘排隊喺「紅心熊大」旁邊換取一張刮刮卡。獎品有機會喺 110cm高公仔、香薰、香味蠟燭、T-恤、記事薄、氣球、貼紙同扇，保證拎到卡就一定有獎。(可惜我只喺刮到一把兔兔扇…)
今次第二階段嘅專門店其實就喺開咗個半間隔離，大過之前希慎中庭間 Pop-up Store 1,5-2倍左右，主打精品同毛公仔。入面除咗有 500款 LINE FRIENDS 人氣精品外，仲有多款聯乘產品，例如：LINE FRIENDS X Moleskin、LINE X Swarovski 、INE X be@rbrick 同 LINE X aiaiai。
▲佈置方面就無上次隻 Sally 咁矚目，最大嘅都只有熊大同兔兔嘅半身放喺店鋪上面，好難同到佢地合照。
▲幸好門口都仲有隻細 Sally。
▲而門口左手面有熊大同青蛙。
▲ 店內就有隻人咁高嘅饅頭人，同希慎門口個隻一樣擺出 V字手勢。
▲ 雖然話多咗好多產品賣，不過以我觀察，新增嘅除咗聯乘產品外，其他大多數都喺海洋公園間 LINE專門店見過，而款式亦無台灣咁多。
▲ 當熊大、兔兔、饅頭人同 James 變成 be@rbrick 真喺好奇怪咁。大嘅 BROWN [400%] $650，而細嘅 Bear Brick 就 $105。
▲ 鑲滿咗 Swarovski 水晶嘅熊大、兔兔同 Sally 特別 bling bling，每隻 $5089。
▲ Swarovski 3D 兔兔頸鏈 ($611) 睇落好特別呢！
▲ Swarovski 2D 熊大同兔兔抱住銀色 bling bling 心心，應該得到唔少女士歡心，頸鏈 每條 $415。
▲ 之前係海洋公園已經見過呢幾個頭 ($780)，不過放得太高拎唔到落嚟。雖然好得意，但拎一陣都感覺好重啦，買咗都唔知點帶番屋企。
▲其餘仲有好多熊大精品。
▲同埋兔兔精品。
▲貼紙同簿就梗喺唔少得啦！
▲ 呢 cushion 咕唇好似喺新貨，依家有折，$165-$196，帶番公司應該幾好攬。
▲呢款攬枕就厚身 D $280個。
▲ 除咗普通版嘅公仔，仲有 LINE Rangers 版嘅英雄，每隻 $240。
▲ 如果厭公仔太大又唔實際，LINE Rangers 版按摩捧 ($120) 就又實用又可愛啦！
▲ 攬枕可以放喺公司攬之外，都可以買番隻杯 ($230) 飲水啊！
▲要外出，呢個保溫壺 ($350) 就岩晒啦！
▲ 番到屋企想放鬆下可以試下用香薰座，細心 D 留意，原來都有兔兔、熊大同 Sally 印花架！
▲雖然開咗學，但呢個書包 ($550) 咁得意買定下年用都得。
▲ 去旅行搭飛機怕太光訓唔到，可以買呢款眼罩 ($85) 戴上頭夠晒 cute！
▲ 著 LINE T-恤出街成日同人撞款好尷尬，加 D 襟章 ($30) 上去睇落就唔同 D。
▲之前講過好抵買嘅膠布 ($30) 好齊款，要快 D 搶啦！
▲雖然今次無乜為新店推出特別版精品，不過買滿 $300 可以得到呢個 Love Brown 環保袋，得香港先有架咋！
