今年較早時候，街拍攝影師 Rishabh Kaul 被聘去記錄布拉格公共泳池。係呢兩個月入面，Kaul 既鏡頭只係對焦係呢個單一既公共泳池上，用佢獨特既眼光去取景同「講故事」。
今次呢個攝影項目係由一家瑞士文化基金會 ProHelvetia 委託。 Rishabh 話，「我將要記錄既游泳池，視為一個社會生態系統，因為游泳正正就係好多故事上演既時候；我既工作就係好簡單咁展示返係游泳池出現既日常場景。」不過講就易做就難， Rishabh 話佢起初並無拍好多，相反佢反而好著重燈光既配合。
「成個攝影計劃慢慢變得清晰，當我了解到游泳只泳池既一小部分；而更多既係社會生態系統，日常故事先至係呢個濕漉漉舞台既重點。」
「運動員 ﹑ 晒太陽既人 ﹑ 社交花 ﹑ 戀人 ﹑ 獨男 ﹑ 朋友 ﹑ 屋企人… 都聚集係呢個公共空間裡。佢地中有啲人甚至花左成日係游泳池，但隻腳都可以無浸過落水添。」
係泳池上既人們都成為左 Kaul 既「演員」，而游泳池就成為左佢既「舞台」。好多相片都係一啲得意互動既 moment 下捕捉出黎既。
對於其他人黎講， Kaul 專注係捕捉，而佢非常專注係注意光線 ﹑ 陰影同取景：
Kaul 話今次展覽非常受歡迎，連游泳池自己本身都決定將呢啲相展示係佢地個游泳池上。
成個攝影項目叫做「濕樂園」(Wet Paradise) ，而且可以上返 Kaul 個網站上觀看 (整個系統相片並未完全顯示係文章上)。
來源： PetaPixel
