暑假唔聲唔聲就黎完，雖然對於上班族黎講暑假冇咩特別，但對於小朋友及家長黎講，簡直仲忙過返學，又要參加課外活動，仲要返學同補習，聽見都辛苦呀。除左家長同小朋友，對於老師來說都是一大挑戰，因為而家好多「怪獸家長」經常有無理要求。有本地團隊為左促進學生、老師同家長之間的溝通，推出左手機應用程式－Handlebook，個 App 可以同時俾學生、老師同家長三方使用，除左係一本電子版的手冊，同時仲係點名簿、功課簿及賞罰記錄冊等等。
Handlebook 可以一次過將老師、家長和學生串聯起來，家長可以第一時間知道學生係學校的表現如何，例如：返到學校可以用 QR Code 去簽到打卡，而家長可以即時係手機 App 入面睇到子女有冇遲到，另外，學生如果完成指定任務例如準時交功課、值日、完成溫習、表現理唔理想都會即時通知家長，咁父母就可以知道更多子女返學時的表現啦。而且如果家長有任何疑問仲可以即時係 App 入面和老師以短訊對話，咁就唔駛親身見面傾學生的表現了！大家不妨睇睇下面示範片段就知道 handlebook App 係學生、老師同家長三方有咩用途喇：
呢個 App 已經有唔少學校同補習社使用緊，相信對於事事關心的家長非常有用，唔駛再估估下子女係學校發生左咩野事，返學有冇遲到早退等，而一眾老師又可以多一個渠道同家長溝通喇。
透過 handlebook，學生係學校、補習班的一舉一動都會上載到雲端，等學校老師和家長可以更全面咁知道學生嘅學習進度；而學生因表現出色而獲得的獎勵（ＧＰ）就會變成點數，可以換取零佞或其他小禮物作為獎勵，將傳統的學習過程遊戲化，相信可以將沉悶變得更有趣味。學生係學校做過不同的事都會有分加，想知邊個係好學生？睇下個即時更新資訊的龍虎榜分數就可以馬上知道啦。
今時今日智能手機有幾普及相信唔駛小編講大家都知，基本上每個小朋友都可能已經一人一部，當然手機不單用來打電話同上網仲可以有更多唔同的用途，而 handlebook 正正可以將手機變身為學生們隨身的多功能手冊、記事簿及溝通工具，功能真係稱得上一舉三得呢！
