距離 How to Get Away With Murder 第二季開播岩岩好就仲有一個月( 9 月 24 日晚上 10 點係 ABC 回歸)，編劇兼製作人 Pete Nowalk 同 Hollywood Reporter 做訪問既時候講到「打破常規」：殺死 Rebecca 兇手，以及 Jack Falahee 飾演既 Connor 同 Conrad Ricamora 飾演既 Oliver 之間既「真誠」故仔。
Hollywood Reporter 同 Pete Nowalk 做左一個簡短訪問，以下就係訪問內容：
問：第二季有統一主題嗎？
答：我創作既時候並無諗太多關於主題既事，不過硬係要講一個的話，就係「 Annalise 點樣係做盡壞事後仍然心安理得？」呢個亦係劇中每個角色需要面對既問題：我地做左壞事點解唔去自首？點解仲要繼續錯落去？呢個亦係存在主義既危機。
問：從結構黎講，第二季首播就會揭曉邊個殺死 Rebecca 。咁係咪黎緊每季都會有人死？
答：我唔清楚，我寫既時候無考慮到咁多。我只係跟 storyline 一集一集咁寫落去：人會犯錯，而為左唔受懲罰而繼續錯落去。係第二季，我同團隊加入左唔少新懸念，希望觀眾會同我地一樣咁鍾意第二季。所有人都面對緊同一個處境：殺左 Anna 老公 Sam 之後，係咪真係有辦法逍遙法外？呢個將會影響佢地以後既決定，因為之後佢地會作出更大膽決定。至於成套劇既壽命，我 24/7 都擔心住，但我好高興搵到呢套劇既方向。或者唔一定要跟住同一套路，唔一定每季都有謀殺，只要角色形象夠飽滿就好。
問：咁「Introduction to Criminal Law Class」上學生角色會演多久？
答：成個課程會「上一年」。我們到依家仲未決定。第一季就差唔多係半個學期，因為劇中講到二月份了。 Annalise 係課程教授，但實際上同呢班學生既意義不只於此，佢地之間互相連繫住，遠遠唔只係老師同學生。至於我亦唔希望有任何角色係不可或缺的。
問：第二季有新學生加入嗎？
答：係首播集就會有幾個新角色加入，有啲係來自角色既背後故事，有啲就係全新角色。我只能夠劇透咁多了。
問：你已經知道第二季會點完結嗎？
答：我諗好架啦，不過仍然可能會變。我個時唔知第一季會以 Rebecca 既死收尾，同樣唔知首播就會揭曉兇手。我亦希望自己有一個明確目標可以話比大家知。
問：殺死 Rebecca 既兇手將點樣繼續串連係今季既其餘 14 集裡？
答：呢個唔會消失，就好似劇中所有事物，我唔想任何野被遺忘，就好似 Sam 同 Lila 既死。雖然佢地係死左，但對後續發展仲有好大影響， Rebecca 既死一樣都係咁。有人知佢死左，有人知邊個係兇手，有人以為佢失左蹤。即使 Rebecca 死左，但係第二季仍然不可或缺。
問：你係平衡 Connor 同佢患有 HIV 既男朋友 Oliver 之間情節既時候，有無同 GLAAD (Gay & Lesbian Alliance Against Defamation) 協商過？咁你又覺得觀眾會希望睇到一個點樣既故事？
答：我地正係同佢地傾緊，我地仲問過好多人，以確保故事唔虛假唔做作。我自己都好期待呢個部分，因為佢仲未揭曉。我地將會係第二季見到更多 Connor 同 Oliver 既故仔。雖然我唔願意透露更多，但我同所有觀眾一樣好期待呢條感情線，因為佢夠「fresh」，亦係我希望係電視上見到既故仔。 Conrad ，亦即係飾演 Oliver 既演員，由於係 Broadway 做緊 The King & I ，所以唔係常駐演員，不過我地已經有辦法令佢客串。
問：你會係佢地既故仔入面會發挖啲咩野支線？
答：我唔想講，因為劇中好多都係會靠呢啲黎 surprise 觀眾。亦都希望呢啲位可以令角色繼續保持真實感。 Oliver 絕對係劇中一個特別既存在，佢同其他人一啲都唔同，佢無殺人念頭一心只想幫男友 Connor 。甚至有人同我講佢係劇中唯一討喜既角色。
《How to Get Away With Murder》第二季即將係 9 月 24 日晚上 10 點係 ABC 開播，你又會期待見到啲咩野呢？
來源：Hollywood Reporter
Leave a Comment