Letv 去年第一次參加電腦展，並為香港用家帶來兩部超級電視 X50 Air 及 S40 Air。今年他們再接再厲，唔止為大家帶來全新 4K 盒子，仲為樂迷帶來 100 部超級手機 Le 1（工程版），電腦展未開始已引來長長人龍，排頭位的樂迷更已排了 48 小時，真係好有心！而 100 套超級電視 + 手機套裝更係早上迅速售罄，為 Letv 首日電腦展打響頭炮。
$1,999 買齊「三寶」引來長長人龍
今次 Letv 推出電腦展頭炮優惠：只要付出 $1,999，就可以買到一部 S40 Air 超級電視、一部超級手機 Le 1（工程版）及 12 個月樂迷 99 狂睇組合呢個「首日限量套裝」，認真超值。所以呢個套裝引來長長人龍，排頭位嘅鍾先生更係開幕前 48 小時已開始排隊。Letv 香港高層亦為咗報答他們支持，更係深夜帶同食物及飲品採訪排隊嘅樂迷，十分有誠意。
▲為咗搶購 $1,999 嘅 Letv「首日限量套裝」可以去到幾盡？一眾樂迷就為大家展示了。
▲為咗報答樂迷支持，Letv 香港高層更於深夜採訪排隊中嘅他們，算係幾有誠意。
想買超級手機 Le 1（工程版）？仲有機！
如果大家錯過咗第一日嘅「首日限量套裝」，但仍然想入手 Letv 早已公佈唔會係香港公開發售行貨嘅超級手機 Le 1（工程版），係咪已經無機會？當然唔係！其實 Letv 係今日同聽日嘅下午 2:30 至 6:00，都會係參展攤位舉行「Letv 展館無底價拍賣」，屆時每日均會拍賣 3 部 Letv 超級電視 S40 Air，以及 3 部超級手機 Le 1（工程版）！如果仍想入手，屆時就記住入場 bid 番部啦！
