正所謂「台上一分鐘，台下十年功」，小編覺得除左形容演員既努力外，亦都非常貼合各個用心影 Hyperlapse 既攝影師們。單單係一 ﹑ 兩分鐘既 Hyperlapse 影片，花既時間可能就已經係半日或者一整日。而今次呢套兩分鐘洛杉磯 Hyperlapse ，更係攝影師 Vadim Tereshchenko 花左足足兩年去影，單係呢份心機就好值得欣賞！
Vadim 選擇左用 Hyperlapse 既方式去記錄呢個「天使之城」，出黎既效果的確非常震撼驚人。 Vadim 話：「我一直都好努力咁去城市最靚既光線同地方；無論係拍攝定係 editing 中，當中我用左好多自己研究出既技巧，先至完成到成個作品。」
「光線係作品中最重要既一環，由日出 ﹑ 日落轉變到從黎明到天光，從黃昏到天黑。我係呢套影片中花左好多長時間同熱情落去。」（小編：我絕對睇得出啊！）
以下就係 Vadim Tereshchenko 既洛杉磯 Hyperlapse 影片：
若然仲想睇多啲 Vadim Tereshchenko 既作品，就可以上返佢既個人網站上瀏覽(請按此)。
來源： PetaPixel
