由今日起到 28 日，係金鐘太古廣場 Snoopy 將會聯同 LeSportsac 一齊舉辦 Roadshow ，不單止推出聯合系列袋款，亦都有各式各樣既活動， Snoopy 迷有福啦！
其實講緊既就係依家好 hit 既水印貼紙啦！只要係 LeSportsac 店門外同專人登記返個人資料，緊住就可以免費痴一次架啦，唔需要買任何產品或者係商場買滿幾多錢都可以，正啊！款式有八款，不過其中七個都係 Snoopy 黎的，如果覺得唔岩都仲有一款 woodstock 既，就好似小編既女性朋友就揀左 woodstock ，貪佢夠得意。
Roadshow 當然唔少得 Snoopy 既招牌小屋啦，不過講真又唔算太特別，因為始終同沙田新城市廣場個邊既 Snoopy 區其實都差唔多，不過如果有家長想帶小朋友去影 Snoopy 的話，就緊係呢個 Roadshow 好啦，皆因可以嘆住冷氣黎影嘛，小朋友都玩得開心啲啦！
咁既然係同 LeSportasc 聯合搞既 Roadshow ，加埋係史奴比生日 (8 月 10 日)，當然就唔少得聯合推出袋款啦。由斜揹﹑ 側揹以至到雙肩既袋都有，有大有小，岩晒各個 Snoopy 迷唔同既需要。
Peanuts Fan Painting Workshop 其實同 Tattoo Workshop 一樣係活動期間每日會於 12 點至 6 點舉行，不過小編就撞唔到啦，似乎係為 Snoopy 漫畫上色，似乎都幾得意；而 Snoopy 現身就只係會 16 號同 22 號出現架咋，有興趣既讀者記住早啲去到準備同 Snoopy 真人版影相啦，時段只限下午 2-3 或者 4-5 。
