台灣美食點止洪瑞珍？東港城有得食 10大南投美食

一件洪瑞珍三文治搭一程飛機就俾香港人炒到天價咁高，但其實台灣美食又點止得三文治咁少丫！嚟緊 9月4-6號就有 6位來由南投嘅名廚喺將軍澳東港城即場炮製古早美食俾大家品嚐，保證正宗又新鮮。我依莉詩就率先喺今日記者會上幫大家揀咗其中 10款美食，到時記得去試啦！

1) 山大王包子 – 罰餓包

來自妖怪村嘅罰餓包只喺聽個名都夠古怪，佢嘅表面仲有一個妖怪樣添！不過包唔可以貌相，佢餡料十足，以五花肉絞同青蔥獨家特製，充滿肉湯汁。

好味度：★★★☆☆

▲  小食評：味道就好似胡椒餅一樣有重重嘅胡椒味，非常有台灣味道。每一啖咬落去都感覺到滿滿肉汁，包嘅外皮軟得嚟有少少脆，唔似平似平時食包咁乾呢！

2) 竹筍地瓜湯包

南投係高海拔地區，早期以蕃薯為主要農作物，因此用蕃薯做嘅食品亦非常多。其中竹筍地瓜湯包就用紅蕃薯煮熟透後，加上樹薯粉，經過搓揉後，成為爽軟嘅外皮，再加上炒香咗嘅本地所產鮮竹筍做餡，口感特別。

好味度：★★★★☆

▲  小食評：地瓜皮 Q彈得嚟帶少少甜，配合微鹹嘅竹筍非常夾。

3) 花香美人腿

筊白筍經過水煮熟後冰鎮保留清甜原味，配上有機玫瑰花瓣，就好似美女出浴，散發陣陣飄香。

好味度：★★☆☆☆

▲  小食評：平時好少會成條筊白筍咁食，但咬落幾爽，而且有微微清甜留喺口中。

4) 梅汁蕃茄紅

埔里生產的番茄產量多、品質好，加上經過烹煮過比生吃更能被人體吸收，可以大幅減少罹患前列腺癌的機率，所以南投就有餐廳用原粒牛蕃茄做前菜。

好味度：★★★☆☆

▲  小食評：原粒牛蕃茄加上梅汁後甜甜酸酸，十分醒胃。

5) 梅干甘蔗筍

由於當地水質甘良、少風害，所以紅甘蔗莖脆且甜美多汁。以紅甘蔗頂端白色莖心的部份，與梅干菜一起滷至入味，就喺南投獨有嘅小菜。

好味度：★★☆☆☆

▲  小食評：紅甘蔗莖咬落鹹香爽脆，非常入味。

6) 蜂蜜百香果

百香果味道酸甜，再加上一點蜂蜜提升其果味，有如初戀的感覺。

好味度：★★★★☆

▲  小食評：話說小編只喺飲過百香果綠茶，未食過百香果，估唔到原來喺咁酸。好彩中間嘅蕃薯浸咗蜂蜜，夾埋一齊食味道可以中和番。

6) 和風燈籠果拌麵

燈籠果喺唔少甜品都會出現，而今次拌隨加入橄欖油嘅冷麵食用，獨特嘅口感香氣一試之後回味無窮。

好味度：★★★★☆

▲  小食評：燈籠果入口時酸味濃厚，咀嚼後濃郁果香與甜味慢慢浮現，獨特香味繚繞口中，配埋冷麵就酸酸甜甜，非常開胃。

7) 國姓咖啡

南投有著得天獨厚嘅氣候及地形環境種植咖啡樹，一群用心耕耘嘅農夫，每日不辭辛勞照顧一株株咖啡苗，堅持以天然有機栽培法，只用適度有機肥料、以及鋤草留根嘅種植哲學，執著最自然而然的耕作製成，是台灣頂級好嘅阿拉比卡種咖啡。

好味度：★★★☆☆

▲  小食評：雖然我飲咗兩杯，但因為我唔喺好識飲咖啡，特別係無糖無奶嘅，所以唔識評。不過我問過其他飲開咖啡嘅行家，佢地話苦得嚟好香，好易入口。

8) 紹興酒蛋

茶葉蛋就食得多，南投就有紹興酒蛋。將雞蛋浸泡喺紹興酒、當歸、川芎、肉桂等中藥，令蛋白外觀如白玉般晶瑩剔透，滑潤順口，彈性十足，喺好好嘅手信。

好味度：★★★★★

▲  小食評：小編一向都好鍾意食蛋，無論鐵蛋、冰溫泉蛋定茶葉蛋，所以對住蛋白 Q彈又有陣陣酒香嘅紹興酒蛋實在無法抗拒。

9) 銀杏綠豆糕

結合溪頭銀杏、綠豆以及竹山地瓜手製而成嘅綠豆糕，口感鬆軟，入口即溶，冷藏後品嚐就更滋味。

好味度：★★★★★

▲  小食評：因為有竹山地瓜做餡料，食嘅時候唔會有好乾嘅感覺，入口即溶，甜度適中。

依莉詩後記

雖然我嘅國語水平有限，同各位名廚溝通得唔太好，不過佢地都好熱情咁同我講解佢地精心炮製嘅美食，可以睇得出佢地對自己民族嘅特色美食幾有信心，幾希望將美食發揚開去呢！如果想品嚐下南投嘅民族風味，不妨用 $20買番張美食劵，揀番一款試下啊！