雖然黎緊呢套《驚魂眼 2015》就唔會係香港上啦，不過佢其實係翻拍 01 年同名電影，而個時版本係有係香港上；不過無論你有無睇過都好，都不妨睇下呢個影評，因為美媒比左佢滿分，想知佢到底有幾吸引？
正所謂「懼由心生」，心理驚悚片先至係恐怖片之最。今次由 STX Entertainment 製作既 The Gift 可以話係充滿「驚喜」：除左有足夠既即時吃驚畫面之外，亦都擠滿左智力同情感上既緊張位，成套片出黎既效果非常驚人。
故事並無太多花巧情節或人物，只係將一個以三位主要角色既小故事有組織咁表達出黎，清晰得令人可怕。佢地既過去會被逐一慢慢掀開，觀眾可以透過一啲線索﹑紅色既鯡魚之死又或者其他困擾住你個想法令角色既刻畫變得更豐富更深入。由 Jason Bateman 同 Rebecca Hall 飾演主角 Simon 同 Robyn 令角色層次升華，將 Joel Edgerton 所寫既劇本變得更細膩耐看，由頭帶到落戲尾。盡管觀眾係以 Robyn 既角度經歷成個故事，但係每個角色既情節發展都值得被重複睇完再睇，甚至做一個專題既心理分析。
編劇兼導演以及製片人 Edgerton 亦都係呢部戲中證明左佢非常熟悉鏡頭背後既工作。係兼任多項工作任務既情況下，仍然能夠成功將戲中既場景特效同心理描寫兩者都處理得好，極有機會透過今次 The Gift 成知名導演。而今次既攝影師 Eduard Grau 都值得被注意，因為一啲驚嘆既視覺效果佢都做得到，佢更將唯一主要既場景即四面都係落地玻璃既房子拍得好有獨特個性，就好似戲中既「第四個主角」咁。
最後， Edgerton 參考經典電影 Rebecca 同 Repulsion 而非模仿，的確成功令今次呢份「禮物」變得令人震驚。故事不但有一啲激烈既敘述，亦都有唔少黑暗層面既內心轉折同懸念。呢套可以話係電影愛好者既「禮物」。
The Gift 未有消息會係香港上映，而佢剛剛係美國上映。以下就係預告片：
來源： comingsoon.net
分享到 :
最新影片
