之前提過會係香港時間呢個星期五發佈的 Samsung Galaxy Note 5 會好似之前推出的 S6 及 S6 edge 一樣唔可以插卡換電，令唔少 Samsung 粉絲失望不已，有些甚至提出過隨時會「轉會」。不過今日又有 Note 5 的疑似實機照流出，據消息指呢部雙卡雙待版的疑似 Note 5，可以插到 microSD 卡！看來 Samsung 的 Note 粉絲們，仲未洗絕望哩！
但睇上面的相片，又似乎唔覺仲有插卡位，如果消息屬實，又會點做到呢？消息指 Note 5 的雙卡雙待版會好似某啲中國品牌手機咁，用家可以拿其中一個 SIM 卡槽，放入 microSD 記憶卡，就可以好似以前咁用得番 SD 卡。即係話如果大家要用 microSD 記憶卡，就只能係雙卡 Note 5 上用一張 SIM；當要用雙卡時，microSD 卡就要取出。
另外售價方面亦已流出，據稱 Note 5 雙卡版將會以 23,900 元新台幣（約 HK$5,850）係台灣推出，如果屬實同舊年 Note 4 推出時的 $5,998 機價相比仲要便宜！究竟今次 Note 5 係香港推出時，會否同台灣一樣，比 Note 4 仲平呢？
當然，呢個都只係路邊社消息，況且香港會否推出雙卡版？還是肯定無得插卡的單卡版？又或者會唔會減價？暫時都未能核實。查實香港會同美國同步，係下星期五舉行 Unpacked 發佈會，其中一部「主角」大概應係 Galaxy Note 5。究竟最終係點？大家呢個星期尾就知道啦！
來源：Sogi 手機王
分享到 :
最新影片
