除了 Samsung 的新機外，另一個備受大家注目的品牌新產品，相信肯定係 Apple。眾所周知 Apple 今年的新 iPhone：iPhone 6s 及 / 或 iPhone 6s Plus，將會在九月正式同大家見面。外媒今日就傳來更確切的消息，發佈日期將會是 9 月 9 日。而更令人驚喜的是，屆時新 iPhone 將唔會係唯一的新產品！
據消息表示，當日除了會發佈新 iPhone 外，Apple 還會發佈大家等了好耐的 iPad Pro，以及下一代的 Apple TV。
至於新 iPhone 方面，預計會加入早已出現係 Apple Watch 上的 Force Touch 熒幕技術，機身金屬物料亦會用上 7000 系列鋁物料，將會比現時的鋁合金物料硬度提升約 6 成，以避免機身像 iPhone 6 Plus 般容易被拗彎。
至於 Edward 的意見，iPhone 將會推出相信不用懷疑，Apple TV 筆者亦覺得很大機會亮相，但按 Apple 以往的習慣，iPhone 及 iPad 發佈會往往不會係同一場合舉行（以往 iPad 發佈會會在十月舉行），況且 iPad Pro 屬於重要新產品發佈，而不是單純的硬件更新，令 Edward 覺得 Apple 不會係 iPhone 發佈會中同場發佈此機，讓它的注目度被 iPhone 搶走一大截。
當然，Apple 過往也曾經試過不按牌理出牌（例如：同一年發佈兩部 iPhone－iPhone 5s 及 iPhone 5c），今次 Apple 會否又令筆者大跌眼鏡？仲有一個月左右大家就會知道啦！
來源：TNW
新 iPad 發佈活動今晚舉行 預料時間僅 35 分鐘 首款 Apple 可摺疊屏幕產品 未來 2 年有望推出 Tim Cook：中國是全球競爭最激烈市場 但仍看好 AI 能回復消費者信心
