抵玩睇盡劇集、電影、演唱會！1,000 部 Le TV Box PRO 4K 加強版電視盒子等你買

Letv 早前推出過具備 4K 解像度熒幕的智能電視 X50 Air，而且售價不貴，Letv 香港 UI 版上又有不少正劇集、電影、演唱會任睇，相信唔少人都覺得心動吧。不過唔知有冇 wire 民同筆者一樣，因為電視未壞 / 剛剛買了新電視，所以卻步？近日 Letv 就推出了 Le TV Box PRO 4K 加強版盒子，可以睇足同電視一樣的內容之餘，仲要幾百蚊搞掂。Letv 今個星期就準備了 1,000 部俾大家搶購，唔知今次大家又心唔心動？

今次 Letv 推出呢部 Le TV Box PRO 4K 加強版，採用了 ARM Cortex-A9 四核心處理器、2GB DDR3 RAM 及 8GB 內置儲存空間，規格算係唔錯。另外，機身亦設有 RJ45 LAN、HDMI 及 USB 3.0 插頭，十分齊備，仲另有光纖音頻輸出，仲要支援到 Dolby Digital Plus 及 DTS 雙認證，配合可輸出 4K（3840 x 2160）解像度的畫面，保證用家擁有上佳的聲畫體驗。Le TV Box PRO 4K 加強版與 Letv X50 Air / S40 Air 一樣，都係採用 Android 作業系統，功能上完全相同；加上都一樣採用 Letv 香港 UI 版介面，接駁的伺服器亦與 Letv 兩部超級電視相同，即係話係電視睇到的內容，係呢部盒子上一樣睇得到。

今次 Letv 為了慶祝在香港推出 Le TV Box PRO 4K 加強版，更特地預備了 1,000 部供各位 wire 民搶購，只要今日起至 8 月 5 日早上 10 時，點按此到 Letv 商城預約，然後在 8 月 5 日中午 12 時再到 Letv 商城鬥快搶購就可以了。售價方面，亦只需要 $599，就可以擁有 Le TV Box PRO 4K 加強版連 6 個月「樂迷 99 狂睇組合」，只要接駁任何具備 HDMI 端子的電視，就可以欣賞到超過 20,000 小時的娛樂節目及超過 1,000 小時的 4K 超高清內容。如果你是心動的話，就要快點到 Letv 商城預約，並於 8 月 5 日中午 12 時搶購番部啦！