如果長期會用到 Line ，經常係手機咁細既螢幕打字其實都幾辛苦，如果返緊 Office 工更加唔可以揸住部電話不停 send ；不過 Line 岩岩悄悄地發佈左 Chrome 瀏覽器既擴充功能，以後就可以用電腦個鍵盤打字傾計，又唔洗被老細發現，爽好多！
擴充功能完全支援係 Chrome 瀏覽器上發送信息，以及與服務器上既聯絡人同過往信息同步。佢亦都有完整既貼紙支援，亦都可以 send 附件，或者 cap 圖 send 比朋友。
Line 擴充功能將會出現係一個新既浮動窗口，而且無論你係用緊 Windows﹑ Mac 定係 Chrome OS ，都可以用得到呢個 Chrome 既擴充功能。而且今次 Line 既擴充功能亦有一個新功能：一個小 memo 功能，用户可以為自己留筆記同圖像。
今次呢項舉動證明 LINE 有意成為跨平台使用既通訊軟件，依家幾乎任何地方都可以輕鬆用得到 LINE ，甚至連 Whatsapp 都係得網頁版可以用，而 LINE 卻搶先一步推出左呢項既 Chrome 擴充功能。
LINE Chrome extension： 請按此
來源： The Next Web
