對於 00 後既小朋友黎講，2001 年推出既初代 iPod 可能就好似係遠古時代既產物，甚至可能心諗「而我不知道 iPod 是什麼」；如果你想知佢地會有咩反應，就緊係要睇 Kid Reacts 系列既 React to 1ST iPod 啦！
小朋友被分配到一個初代 iPod ，並被問到應該點樣用，佢地既反應毫無意外地咁搞笑，就好似其中 7 歲既 Jenna 話「呢舊野好似一舊煤磚咁」。係 touch screen 兼多功能手機發達既年代，小朋友好似無辦法相信一個相當較大既機械竟然只可以按按鈕同得一個功能：播放音樂（而且仲要無喇叭，要插耳機先有聲）。
呢套短片就係科技日新月異既最好證明，令人諗起想當年音樂串流係幾咁夢幻既一個想法。當年呢部全新初代 iPod 係 2001 年價值 US $400 ，而且仲要無網絡連接，即係代表要從電腦 iTunes 下載音樂到 iPod ，更係嚇怕左當中每一位小朋友，因為「依家呢個價錢都可以買 iPhone 啦，點解仲要買多舊又大又唔實用既野？」，其中 Jenna 更話：「點解唔可以好好地收聽收音機電台音樂就算呢？」
身為九十後既小編，話老唔老話年輕唔年輕，係呢個年代出世的的確確見證住科技既急速發展，特別係由 flip phone 去到 smart phone 呢個里程碑。如果你想知小朋友到仲會有啲咩反應，就可以睇以下呢條短片：
來源： Fine Brothers Entertainment
