幾個月前李治廷大戰黑武士打到入時代廣場，今日就有超過 110 位來自 9 個亞洲地區既星戰迷快閃走入迪士尼，來個 15 分鐘都無既巡遊。就係驟雨過後，烈日當空既情況下，幾經辛苦小編成功係人群中拍下了幾張珍貴既相片巡遊俾大家睇，錯過左既星戰迷睇實啦！
▲ 白兵：嗱～睇實啦！我地好快走架啦！
▲ 巡遊因為天雨關係遲左 10 分鐘開始。率先出場既係化身成絕地武士既周柏豪同連詩雅。
▲ 睇唔清楚唔緊要，等小編補番張靚相俾大家。
▲ 之後就到 R2D2 同來自印尼、全亞洲最高既黑武士 Shawn Truedell 登場。(如果有 wire 民高過 6 呎 5 吋都可以去試下挑戰播！)
▲ 睇真 D ， 呢隻由菲律賓星戰迷 Tiny 用左 7年時間一手一腳設計同製造既遙控式 R2D2 真係好細緻，又識郁又識叫。
▲ 一次過見到咁多個絕地武士，你又覺得邊個最型先？
▲ 每個巡遊角色既服裝都得到魯卡斯影業嚴格審核，絕對唔馬虎架！
▲小編著住件雨褸企係度都覺得熱，唔知佢包都實晒會唔會焗暈呢？
▲ 有唔少星戰迷家長將仔女打扮成星球大戰角色。睇下佢揮激光劍揮得幾投入！
▲ 小武士同小利亞公主係咪好可愛呢？
▲ 下？咁快完啦？唔少專程請假前來既星戰迷同小編都大呻睇唔切啊！
分享到 :
最新影片
