岩岩香港書展 2015 就完左啦，如果仲係覺得未睇夠既，不妨考慮下呢個全球最大既海上書展「望道號」，由即日起至 8 月 9 日泊係尖沙咀海運碼頭開放比公眾，而且除左書展仲會有其他活動，絕對係一家大細既好去處。
全球最大海上圖書船
講到明全球最大海上書展，範疇種類數目一定多：科學﹑體育﹑烹飪﹑藝術﹑醫學﹑語言等等，總之你諗得到既都有。除左成人岩睇之外，書展亦設有兒童圖書，非常適合一家大細黎 shopping 。價錢標籤會用 Unit 黎計，最小既 Unit 25 就係 5 蚊，而 Unit 1000 就係 200 蚊；好多書價錢都非常抵，大概都係 Unit 100-400 為主，大約係 20 蚊到 80 蚊不等。不過值得注意既係，九成書籍都係英文為主，只有極少數係中文，所以對於中文書既讀者可能就唔太岩啦。
如果行完書展，更加可以係背後既國際咖啡閣休息一下。國際咖啡閣提供多款小食﹑雪糕同飲品，最岩掃完一堆戰利品後坐低食啲野順便睇下書。
導賞團：「出甲板睇維港景色不得了！」
若然覺得只係睇書展唔岩你，可以參加導賞團遊覽整艘「望道號」，足足有 30 分鐘由專人帶貪導賞，價錢都只係 $50 (不包括入場費)。
除左以上介紹，仲有其他更多既導賞內容，想知就記得要參加。要注意既係，導賞團唔接受預先登記，要係登船後去接待處或者書店收銀處查詢返當日安排；而且亦都有英文同中文揀返，記得登記個陣要講清楚啊。
國際文化節
國際文化節將會係劇院即係上圖呢個位置舉行，而且只會係 8 月 1 日 既 4 點到 6 點或者 8 點到 10 點限定，費用係 $50 (已包括入場費)。節目非常豐富，有來自世界各地包括瑞士﹑南韓﹑菲律賓﹑日本等等十多個國藉人士，教你當地文化如舞蹈。如果有興趣既讀者，就記預先將參加人數﹑時段同聯絡電話電郵到 [email protected] 啦，先到先得架！
作一天福音船員
如果好響往船上生活，你就唔可以錯過呢個一天福音船員體驗啦！參加者會被分派到書展﹑甲板﹑廚房同清潔其中一個部門同來自 50 多個國家 400 個船員一齊工作兼文化交流，既可以了解船上工作岩唔岩你，又可以識到一班唔同國藉既朋友。要注意既係，只有 16 至 30 歲人士才能參加。日期為 8 月 5 日或 8 月 6 日，費用係 $100 (已包入場費同午餐)。記得預先電郵預約啊！
分享到 :
最新影片
