仲記得 Ice Bucket Challenge 嗎？人人包括名人都向自己淋盤冰水，為既就係提高人們對漸凍人症亦即係 ALS 既認識同時為 ALS 協會籌款，幫「漸凍人」對抗病魔。但係你又知唔知，你捐左既個啲錢到底去左邊呢？
ALS 協會最近係一篇文章中透露，透過冰桶挑戰總共籌得 1.15億美元，而當中的 7,700萬美元亦即大約 67% 直接去了病症研究。想知其他錢去左邊，以下就係 ALS 協會發放既圖像，清晰話你知到底啲錢會用左係邊：
如果想知多啲 details ，又或者個 7,700 萬既研究細分有咩細項，就緊係要上返 ALS 協會官網睇啦。除左最主要既研究之外，當中亦有兩成亦即約 2,300 萬美元去左「病人及社區服務」，其實就係提供資金比各個當地既 ALS 協會分會計劃同充實 ALS 患者既教育材料，並提供贈款比 ALS 治療中心。最後既 200 萬亦即 2% ，就係去左電子轉帳既手續費。受到全世界注視既冰桶挑戰，似乎已經為漸凍人症呢個可怕既症病提供左相當豐裕既資金，小編亦都係度衷心希望各位讀者唔好過左冰桶挑戰就忘記「漸凍人」，繼續向佢地伸出援手。
來源： The Next Web
