上一集《光豬舞壯士》（Magic Mike）以低成本製作之下意外大賣，今個夏天上映既《巨揪舞壯士》（Magic Mike XXL）會否有同樣佳績就真係未知知數。今日小編就同大家分享下睇過之後既感受啦！
公路電影劇情平淡
今次新片其實只保留左上集幾位人物，劇情亦無特別作延續。只係講米奇退出脫衣舞男界 3年後，希望同昔日老友參加人生最後一次脫衣舞男比賽，令人生無悔。如果以一套普通電影嚟講，呢套可以話係一套平平無奇既公路電影。無乜高潮位，只是一班人揸架車去旅行，沿路上遇到好多問題，又好好彩有好多人幫忙，當中認識好多新朋友，最後大團圓結局。不過如果以舞蹈電影，的確打破左舞蹈只有熱情、創新同團結既取材。除左加入左性既元素，結局竟然並非團體表演，而係每位主角既 Solo，各自去以自己既舞蹈去取悅女性。
有著衫唔代表唔意淫
電影既尺度上其實遠遠超過 IIB 級，差不多大半係猛男秀，每位主角充滿肌肉既既身型加上幾乎每個 8拍都脫離唔到扭動下身或是愛撫既動作，令整套電影都充滿性暗示。可以一次過睇到咁多猛男係銀幕上寬衣解帶大跳艷舞，都幾有娛樂性，甚至可能令部份鍾情胸腹肌同結實既 pat pat 既女士們睇到熱血沸騰，但對男性觀眾就可能會覺得自卑兼無癮。當然，你可以話唔心邪就唔會諗到 D 咩暗示，不過小編都係建議唔好帶小朋友去睇啦，唔係佢學左某 D 動作番學校對同學仔做就唔太好啦！
分享到 :
最新影片
