現在唔止係大製作的電影先可以睇到高空拍攝的鏡頭，就連 TBB 的劇集，甚至中學生的參賽短片都可以見得到。這一切都係因為航拍愈來愈普及，只要花數百元已經可以係鴨寮街買到一部初階機，一嘗航拍的滋味。最近 unwire 就請教了航拍專家 Benny Lam，了解航拍的技巧。
起飛前定好路線
唔少想玩航拍的朋友都會因為一舊電只能夠玩 10幾分鐘而卻步，經驗豐富的 Benny 就話「要把握好時間唔係要飛得快，最重要飛得穩定，而且要知道自己要拍咩 同 先定好路線，上升到一定高度就立即進行拍攝。」其實就算拍電影或者 MV 都好，每個 shot 可能只需要幾十秒，唔會拍足十幾分鐘。不過，如果去到戶外拍攝，就肯定唔止帶一舊電，有時仲要帶太陽能差電機或者汽油發電機作即時充電。
揀啱地點做練習
Benny 平時都聽得唔少學生講，第一次試飛就唔知架機飛咗去邊，甚至跌咗落海 Total Lost。其實一開始可以先用平機練習，習慣好在沒有水平儀同自動懸浮的狀態下控制好飛機，到有相心拍攝時先用有 GPS 定位的航拍機。Benny 更提醒「每次去到任何一個地方，要先微調指南針 及 需要檢查附近磁場有電線干、發射塔等干擾，讓飛機懂得自動回航到起飛點。」現時香港東面，例如：西貢、將軍澳等比較多人玩，「我自己就鍾意去元朗南生圍，地方比較大同較少干擾。如果要試一些大型機，會去機械模型會，不過就需要入會申請。」
室內比室外更難控制
一般玩航拍都是在戶外空擴的地方進行，但今次 Benny 接受訪問的地點係商場。Benny 就表示室內拍攝比室外難道更高，「因為室外收到 GPS信號，就算短暫唔控制飛機，就會自動懸浮係一點，反而室內就不到。就算現在好多新的機做到室內定位，但室內好多，例如：火牛、WIFI、冷氣機風槽等的干擾，而且比較多人，要非常注意安全。」
▲ 曾經有唔少報導講到識得航拍就好容易搵到食，但 Benny 就覺得，唔止係航拍，就算係一張靚的相，放上網share都有機會有公司睇中。不過，前提係要時間訓練，學習角度、學習攝影、仲有操控飛機，同時要兼顧好多。
▲ 如果想了解更多航拍的技巧，7月20日至8月31日，星期一至五，下午6時30分 – 8時30分以及 星期六、日，下午2時 –下午6時，可以到荃灣廣場1樓中庭參加航拍學堂呀！
「飛行風速體驗館」
除左航拍學堂，7月20日至8月31日仲有「飛行風速體驗館」，只要進入玻璃屋就可以感受到好似3號強風信號、8號烈風或暴風信號
分享到 :
最新影片
