Sanrio 年度盛事「Sanrio Game Master」！唔去九展都要集下郵

每年 8月 Sanrio 都會大搞作。除左 Sanrio粉絲必去既九展大型展覽外，Yahoo 網上遊戲仲會每日送 2,000 張Sanrio「遊戲大師」主題郵票。真係聽到都興奮！

分秒必爭鬥快「集郵」

「Sanrio Game Master」的展覽仲未開，Yahoo 就率先同 Sanrio 合作推出活動，只要在 7 月 20 日至 8 月 15日期間逢星期一至六，係「郵樂場Summer Fun」的網頁上，每日最快答岩既 2,000 位參加者，就以可獲得當日精選既郵票，合共 24 款。

▲ 24款既郵票唔只有長青既 Hello Kitty 同 My Melody，仲有近期人氣爆燈既蛋黃哥呢！

 

▲ 每張郵票都會貼係 Sanrio Game Master主題明信片上寄出啊！不過郵寄過程會蓋上郵印，希望郵差叔叔輕手 D ，唔好整花蛋黃哥塊面啦！

 

遊戲玩法

因為只有每日最快答岩既 2,000 位參加者先可以得到郵集，所以就快快記低以下步驟啦！

▲ 首先要係每日早上 8時登入 Yahoo網上版首頁，並係左手面點撃「郵樂場」按鈕或 Hello Kitty 既圖示。

▲ 之後就會見到當日既郵票款式、問題 同 建議搜尋關鏈字。如果唔識答，仲可以點擊「貼士」搵答案添！

 

▲ 準備好答案就要等到早上 10 點鐘，用手機登入Yahoo手機版首頁，並搜尋建議關鍵字以進入當日既問題頁面。揀岩答案同填妥相關資料，就有機會得到架啦！

 

「Sanrio Game Master」預告

講番今年既 Sanrio 展覽，將會係 8月6日至 8月23日係九龍灣國際展貿中心舉行，並會以棋盤世界做主題。7個 Sanrio 卡通人物，包括今年慶祝40周年既 My Melody 同 Little Twin Stars，以及第一次參與既蛋黃哥、XO、Osaru No Monkichi、Patty & Jimmy 同 Melody 好友 Kuromi 將會現身傳授畢生遊戲絕學。

▲ 展覽會有 7大遊戲關卡，每個關卡會由不同既卡通人物掌管，每次成功挑戰就可獲徽章一個及一次擲骰機會，於棋盤上前進並贏取小寶藏。

▲馬鎦仔掌管既 Monkichi 彈珠天地睇落好有 Windows 彈珠台既感覺呢！

 

▲貴為運動大師既 Patty & Jimmy 精通唔同運動，你敢去挑戰佢地嗎？

▲ 粉絲除了可以挑戰唔同既遊戲大師，場內更有 3大主題攝影區，當中包括勇奪今年 Sanrio 人物大賞第一位既布甸狗神奇畫廊啊！