現時 4G LTE 制式有分 FDD 及 TDD 兩種制式，一般人認知都係香港用 FDD 中國用 TDD。不過，3 香港今日發表未來將會推出 FDD + TDD 融合 LTE-A 網絡，想知技術及速度上會有咩分別就要留意。
FDD-LTE 係目前香港主流 4G 制式，但部分網絡供應商如 3 香港其實都有 TDD-LTE 頻譜，當然投得返黎唔會「齋擺唔用」（你估我好得閒）。因此 3 香港公佈將使用 Huawei「One LTE」技術把 FDD + TDD 融合 升級為 LTE-A 網絡，第一步是明年把現有 FDD （1800 + 2600） 跟 TDD （2300MHz）結合成為 2CC LTE-A 網絡，而未來更會把 FDD 3G 頻譜（900 + 2100MHz）跟 4G 網絡結合成為 5CC LTE-A 網絡。雖然現場特別提到網速，但他們表示今年速度將可突破 200Mbps，當 5CC LTE-A 達成時更好突破 600Mbps，但相比速度 3 香港會更著重延遲值、覆蓋率等重點，而預計最快年底才會有手機支援此項新技術。
▲ 逐步把 TDD 及 FDD 融合成 LTA-A 網絡。
▲ 預計 2016 年開始在商用試行。
