無幾耐前 Moment 就推出左微距鏡啦，如果你覺得「唔夠喉」，不妨睇下專玩創意移軸鏡既 Lensbaby 新推出既 LM-20 同 LM-30 岩唔岩你啦，今次唔再玩移軸，而係扭曲空間，夠晒誇張，岩晒鍾意不平凡既用家。
今次新推出既 LM-20 同 LM-30 將會以套裝形式販賣，套裝亦會包含一枝小腳架，方便做長時間曝光。首先要講既就係 LM-20 ，佢既特點就係「中心點對焦」，而四邊就會開始模糊和散，散景有助突出主體，用黎做人像就最岩。
而另外一枝 LM-30 既特點係「四邊反射中心影像」，中心成像非常銳利，而四邊肵景就會重覆反射中心圖像，創意就夠啦，但靚唔靚就見仁見智啦。
Lensbaby 指越黎越多人鍾意用手機影相，而新既手機鏡頭就可以 fit 返一班創作者發揮創意同獨特視角。 今次呢個鏡頭套裝同 iPhone 5/5c/5s, 6 和 6 Plus 兼容，而除左 Jelly Bean 之外既其他 Android 系統設備都可以用得到佢個官方 app （但其實個 app 對用 LM-20 同 LM-30 影相都好似無乜影響）。有興趣既讀者，可以上 Lensbaby 官網訂購，售價為 US $90 (約 $698) 。
來源： PetaPixel
分享到 :
最新影片
