今次 Microsoft 推出既新 app Tossup ，目的就係想令你同朋友約見更簡單直接。平時唔同朋友會有用唔媒介去溝通好似打電話﹑ SMS ﹑ Facebook 或者 Email ，若然約一大班人而個個用唔同既聯絡方式，每個逐一講詳情揀時間揀地方，你都咪話唔煩。不過有左 Tossup ，從此就可以比朋友自己傾好。
係 Tossup 入邊，你可以邀請朋友通過 Email, SMS 或者 Facebook 去投票揀返餐廳或者去邊度做乜野。當用户提供去邊度食野建議既時候， Tossup 就會提供果幾間食肆既評價同埋各項詳情比你既朋友睇返，咁朋友就可以根據自己既喜好同埋 freetime 黎揀返。當 Tossup 收集好你朋友既 Yes No 之外，就會幫你計算以達成共識。而且之後更可以係 Tossup 入邊直接將呢項活動自動加入你既 calendar 入邊，就唔怕到時唔記得左。如果投完票仍未有共識或者有更多 detail 要傾，都可以係 Tossup 入邊既聊天界面到再傾。
其實呢個係 Microsoft Garage 既其中一個出品 app ，計劃是讓開發者發展一些新的構思，之前亦有一啲其他類型既 app 包括自定義鎖屏同 Android Wear 既搜索介面。
如果你對 Tossup 有興趣既話，就可以到 iTunes 或者 Play Store 下載。
來源： The Next Web
