現在很多人開網店都用 Instagram ，尤其是時裝及化妝品比在 Facebook 專頁更加有效 ! 它跟 Facebook 最大的分別是多女性而且用戶通常比較年輕的一群，但到底點先可以吸引人 Like 你的相片，甚至成為你的 Follower 呢？今日小編就綜合左 7大要點，等你的 Instagram 長期維持高人氣！
帳戶開設及分享技巧
改一個易記店名
因為 Instagram 唔似 Facebook 一定要用自己個名，你可以同時開好多個 Instagram 帳戶，用嚟放唔同主題既相，所以選擇一個容易俾人記得的名好緊要。不妨考慮揀為你想拍既主題起一個名，令人一睇到個名就知你會拍甚麼。如果諗唔到用咩名，可以試上去 instagram-names ，等佢俾 D 意見你。
用人頭勿用 Logo
好多店主以為開網店 ig 就一定放公司 Logo ，其實這就行錯了第一步。在 ig 裡很多人是來 Follow 人而不是公司，所以你必定要選一個真人代表你公司跟你的 Followers 做溝通，做一個真正有血有肉的 Connection。
頭像好多時都會覺得係一張比較滿意既自拍照。不過，如果唔係靚仔靚女，最好就唔好放普通大頭自拍照啦，揀一張有藝術感既個人照做頭像，咁人地就會將你個樣同帳戶連起來，但又有好印象。
生活小事乜都分享
別以為開了網店單單放你的「貨品」，然後寫上規格就有人會買。就算是網店也要當成是你私人日記一樣理處理，平時去 shopping 行街 食野通通 send 上去，讓你的 follower 無形間當了你是朋友，甚至可以搵賣家做 model 試穿，分享佢地既相，軟性地問問有沒有 followers 想買，這樣才能建立一種朋友推薦的關係。
偏重跟業務有關的生活主題
玩 Facebook 通常都係放晒自己生活既相上去，入面可能咩都有，朋友識得你想知你近況都會 like 下你。但玩 Instagram 既人未必知你係邊個，所以最好就偏向側重單一主題既相，當然是跟你業務有關的相片，例如賣結他既可以拍一 D 自彈自唱既片，賣行山用品就影一 D 行山睇風景既相，咁就好可能吸引到有共同興趣既人 Follow 你成為你的潛在顧客。
相片技巧
淺景深更突主題
準備好帳戶，就要考慮相片的質素。每個人每日睇既圖太多，有時反而一些簡單既構圖更易令人停留睇你既相片。雖然手機光圈未必夠大，做到淺景深，但 Instagram 既移軸鏡功能就可以讓背景變得模糊，製造出類似淺景深的特效，令主題更突出，相片更簡潔。
俯拍令畫面一目瞭然
要構圖變得簡單，其實可以做下偽文青，試下用俯拍的方式影，咁就可以看到物件既全貌，讓 Follower 一目瞭然。如果影食物的話，加一張合適既桌布、一樣色系既碗碟、甚至匙羹，都可營造不一樣既氣氛。
背景愈大愈舒服
Instagram 中大多都係大頭自拍照，睇得多反而有 D 厭。原來現在背景面積越多的相片，看著就令人愈舒服，所以未必下下都要把自己跟產品拍到大一大，不妨影多 D 全身相讓 Follower 感受一下用了你的產品跟環境的互動，多一種吸引力。
舉個例你要賣爽膚水，很多 ig 網主都大頭拍毛孔，如果像下圖般加入感想「今日去郊野公園用左隻xxx 爽膚水，夏天都唔立而且唔多油，個妝仲keep到」，這個寫威力不就加大了嗎?
用乜 Tone 好 ?
同色好看，藍色更多 Like
不同的研究都指出單一色調的相片比起五彩繽紛的相片有更多 like。即係話，單色為主的相片會比多色既更受歡迎。
▲ 調查公司 Curalate 就發現以藍色為主導的照片比紅色為主色調的照片多 24 % 既「like」。
越光越有潔淨感
色調過於陰暗的相一般都會少 D like，所以影相時要注意採光，但手機的閃光燈好多時都會令物件過度曝光，令物件變得毫無層次，所以最好都係將食物放置係有光源既地方，如射燈的直線下面或窗邊。衣服／飾物／食物／護膚有關的相片，越明亮越能起人想購買。
其實在 Taobao 有一些網拍的道具 Package ，架子連閃燈也是幾百元，各位可以買回來試試。但使用閃燈套裝時，你的相機必需要有插閃燈的熱靴 (Hot Shoe)，如果沒有的話可以選用 LED/ 燈泡／光管的套裝，容易使用，但輸出低拍出來效果沒那麼好
粉嫩色系較吸引
低飽和度既相片看起來比較輕柔，令人有十分舒服的感覺，比起鮮艷的相片有更多既 Like 。另外，相片質感比較豐富既都可以得到更多既關注。
用濾鏡多 21 % 觀看率及 45% 留言
根據 Georgia Tech 的研究，原本在 Flickr 上使用了濾鏡的相片比一般圖片有多 21% 觀看率 同 多 45% 既留言，而使用暖色調濾鏡既相片就會出現更多正面影響。
產品描述
加入心情短句
加入文字浮水印單看相片有時並唔夠，如果係風景相，可以為相片加入一些短句，寫一下當下的心情，就可以令一張風景相變得更加有感覺。
圖文並茂更重要
唔好以為 Instagram 只係睇圖既世界，其實好多人都會睇埋 D 字。一般有詳細文字的相片都比圖文不符或者無文字既相片多人 like 。所以下次 post 相都唔好偷懶，諗下寫 D 咩吧！
加入人氣Hashtags
初初用由 Facebook 轉去用 Instagram 既人可能覺得好奇怪，D 相後面會有好多 # ，雖然睇落好長好怪，不過其他人就可以就住某個 Hashtag 搵到你張相，所以加愈多 # 就會愈大機會有人睇到你張相。當然 Hashtags 唔可以無了期咁加，不妨參考下 「Top-Hashtags」的網站，上面有最熱門的 Hashtags ，咁就可以針對性加入多人用同睇的 Hashtags 啦！
使用地理標籤
除左 Hashtags，在 Instagram上，每一個確定的位置都有其專門既頁面，任何一個在同樣位置進行拍攝的人都可以在這個位置頁面中睇到你和其他人既照片，而加入地理標籤就可以增加人地搵到你張相既機會。
從他人的 post 學習
關注其他 Instagram 用戶／店主
係網絡既世界分分秒秒都有新野，唔想自己 D 相咁快沉底，你就一定要留言和 like 其他人既照。只有係 Instagram 活躍，不斷 Follow 其他 Instagram 用戶，同其他人交流，你既相先會有人留意。當然有玩開 Facebook 既記得連接埋 Facebook，咁就可以加速增加 Follower 既數量。
了解成功 Instagram 網店相片
網上賣野唔一定要大路先出名，好多成功既 Instagram 網店都係因為有自己既特色而受歡迎，例如賣口罩、結他等。參考下人地成功既原因搵出一 D 平時人地需要但市場好少會集中賣既產品，可能可以殺出一條血路。
參考零 Like 相片
雖然話 like 呢回事，認真便輸了！不過望見自己影相無 like 又真係既落寞。如果唔想咁，不妨上「No Likes Yet」網站睇下 D 失敗例子，吸收下經驗。
資料來源：digitaltrends、Instagram、Georgia Tech、smartonlinesuccess
分享到 :
最新影片
