講到今個夏日最紅的卡通必定非 Minions 莫屬。今次 Minions 更加入侵一田，係 6月29日至 8月2日沙田新城市廣場三期一樓 同 旺角 MOKO 新世紀廣場 3樓開設 Pop-Up Store，當中有唔少剛出爐新品兼獨家貨，Minions 迷必定大出血！
不過，呢篇文的重點並非 Pop-Up Store，而係已經開始係一田 E-Shop 接受預訂的限量精品！小編特意挑選左幾件好野介紹俾大家，粉絲們仲唔快D去搶？
▲Minions 立體造型對講機一套就有阿Bob 同 Stuart 兩隻迷你兵(雖然唔知點解無左 Kevin)，售價$ 143.9，限售 30套。
▲ 如果買唔到迷你兵的 3D眼鏡，又想扮下迷你兵的話，可以買呢個 Dave 造型頭盔，售價 $206.9，限量 30個，戴住去睇《Minion》包個個都望住你！
▲ 如果仲對之前係 AIA 嘉年華中唔到隻迷你兵公仔俾女朋友而耿耿於懷，咁就一於買晒隻 Minions 發光音樂毛公仔俾佢啦！售價為 $224.9，限量 50個。
▲ 如果想實用 D，可以買番個 Minions 頸枕，完全係坐長途機凌晨機的恩物！售價為 $116.1，限量 50個。
▲ 覺得屋企將梳化太單調，一於買番個 Minions 咕臣粉飾一下，售價為 $134.1， 限售50個。
▲ 只係得咕臣又點得呢！一於買多對 Minions 室內拖鞋，令整個屋企都俾迷你兵佔據吧！售價為 $98.1 ，限量 50對。
除左精品，另一亮點就係 3隻用MEGA BLOKS拼砌成的 3呎高Cute爆 Minions。粉絲們不但可以到沙田限定店同佢地合照，只要購買 Minions 產品滿$200，仲有機會估下 Kevin、Stuart 同 阿Bob係由幾多粒 MEGA BLOKS 拼成，估中既仲有機會飛去日本探Minions 添呀！
資料來源：timable、eshop.yata.hk
