冬天出街怕對手凍就有暖蛋，點解夏天成身熱辣辣又無冰蛋架呢？最近見到 JC Shop 有樣新野，外型似足美容機，但又宣傳自己叫冰火神器。不但可以製冷，仲可以製熱和當尿袋用。好奇之下，我依莉詩就借來試下，睇下係咪真係咁神？
▲ J-Cube 冰火神器有個把手位同一塊金屬板，外型似足一部美容機。
降 8 度的冰涼
冰火神器最特別的地方就係有三個唔同程度的製冷功能，最低可以降到 5度。只要按下製冷鍵，並選擇模式， 10秒左右就會到達預期溫度，相當快速。熱的時候放放係頸背幾秒就 Feel 到冰涼消暑
用途 1： 發燒當退熱貼
▲ 如果咁唔好彩發燒，唔一定要用小林退熱貼既，只要將冰火神器調校到綠色模式，溫度大約會降到 15-18 度。咁就可以吸收身體的熱力，舒緩不適。而係呢個模式下可以連續使用 6 小時，咁就唔洗半夜起身換退熱貼啦！
用途 2 ： 收毛孔扮冰肌棒
▲ 原來冰火神器唔止外型似美容機，仲真係可以當冰肌棒用，只要調校到青色模式，溫度就會降到 10-13 度，同之前介紹過的 Panasonic 冰肌棒差唔多，同樣可以收毛孔。雖然金屬板的面積比較大，好難敷到 D 細節位，不過佢唔洗插線都可以連續使用 4 小時 40 分鐘，真係方便好多！
用途 3 ： 扭傷當冰袋
▲ 調校到藍色模式的話，溫度就會降到 5-8 度，可以連續使用 3 小時 20 分鐘。如果不幸扭傷、牙痛，就可以用來當冰袋用，令收縮血管，暫時止痛。
立即變熱夠溫暖
冰火神器除左可以製冷，仲可以變熱。佢有三個唔同程度的製熱功能，最高可以升到 60度。只要按下製熱鍵，並選擇模式， 10秒左右就會到達預期溫度，同樣快速。
用途 1 ： 導入爽膚水
▲ 雖然冰火神器唔似導入導出機，無離子同震動功能，不過當設定到黃色模式的時間，金屬板會升到 38-40度，連續使用18小時。溫熱可以使毛孔擴張。塗完爽膚水之後，敷一陣就可以加快皮膚吸收啦！
用途 2 ： 冬天當暖蛋
▲ 既然會發熱，當然可以當暖蛋用，橙色模式的溫度係 48-50度，仲可以連續使用 14小時。冬天出成日街都唔怕手凍凍啦！
用途 3： M痛當暖水袋
▲ 作為女仔，有時 M痛真係幾辛苦，用暖水袋用得個一陣又唔暖，冰火神器的紅色變熱模式可以去到 58-60度，咁隔住件衫都可以敷到，仲可以連續使用10小時，唔洗成日走去換水添！
插 OTG變身充電器
最勁既係冰火神器有 5200 mAh 移動電源容量，只要插入 OTG 轉接頭就可充手機一至兩次。而且只有 216g ，咁就可以隨時放係手袋，看門口啦！
▲ 隨機附送 OTG轉接頭、充電線、手繩、手提拉繩袋。
依莉詩：「咁多功能，抵玩過美容機波！」
冰火神器雖然唔係咩新科技，只係一個識製冷同製熱既尿袋。不過就係因為可以校唔同的溫度，所以有好多用途，最好就係可以當埋冰肌棒同導入機用，其實幾抵玩。而小編覺得意外既係，佢製冷同製熱都好快，差唔多 10秒就有感覺，唔洗慢慢等，不過佢既溫度變得咁快，會唔會好易壞呢？
售價 ：$599
查詢 ：JC Shop
地址 ： 觀塘創紀之城 5 期 apm 商場 L1-23 號 (3148 9455)、銅鑼灣 wtc more 世貿中心 408 號舖 (3102 2783)
分享到 :
最新影片
