一直於來想買小米產品，一係就去官鬥快，一係就去電訊商上台出機，但現在大家仲有多一個選擇，佢就係小米係香港設立的首間「小米之家」，唔知裡面有咩特別呢？
香港首間「小米之家」軍火店位於旺角彌敦道 610號 荷裡活商業中心廣場 20 樓 03-05室，佔地面積 2,000 多呎，裝潢採用家居風格（示範單位），感覺相對「生果店」親民。
「小米之家」大致分為三部分，左邊係維修中心，可為香港甚至中國購買之產品（包括手機、平板及電池等…）進行檢查及維修；中間係體驗中心，裡面展示了香港仍未發售的產品，包括小米電視2、空氣淨化機及電子磅等。
右邊係傳統課金區展示區，這裡可以試用香港有售的「紅米 2」及「小米手機 4i」等裝置，牆邊還掛著大部分小米配件（唔知點解米兔都係配件…），如有需要可現場付費購買，在場天才服務人員可幫各位解決問題，感覺就好似去「生果店」咁。
最後，「小米之家」還提供免費雕刻服務，可於流動電池及小米手環上刻上名字。而適逢父親節現凡小米官網 （mi.com）購買「紅米 2 」可免費獲贈保護貼及 5000mAh 流動電池，並於 6 月 15 – 21 日期間可到「小米之家」貼保護貼及刻字。
