如果有留意開數碼產品的話，應該都會認識兩個「破壞王」：Will it Blend 的 Tom Dickson 及著名 YouTuber TechRax，當中前者以將產品放進攪拌機攪碎著稱，而後者就以各種「酷刑」整爛不同數碼產品紅遍網絡。不過 TechRax 最近就難得地上載了一段普通 YouTube 開箱片，完全無整爛該件產品的意圖，莫非……佢終於收心養性，決定唔做「大嘥鬼」？
原來今次 TechRax 上載的開箱片，產品是 18K 金版本的 Apple Watch Edition！片段中 TechRax 只是單純拍片包裝盒內有什麼東西、展示有充電功能的 Apple Watch Edition 包裝盒、以及 18K 金版本 Apple Watch Edition 的簡單操作影片。但以 Edward 睇了 TechRax 的「虐待」產品片超過 1 年的感覺，我覺得事情一定唔會咁簡單，可能……下條影片，就是整爛呢隻 Apple Watch 的時候？OMG！！！希望唔好啦，TechRax 大大，你唔要都唔好做「大嘥鬼」啦，送俾 unwire 讀者們，唔係更好咩？Lol
