去年 Z3 Tablet Compact 推出後，唔少人都想 Sony 快點加推 10 吋版本，最終 Xperia Z4 Tablet 終於登陸香港。佢賣點除了非常輕薄，最特別係 Android Tablet 有埋藍牙 Keyboard，想知佢表現如何就要留意小編 初步評測。以下有更多資料：
超級輕薄 更強防水
去年 Xperia Z3 Tablet Compact 輕薄設計大受好評，但想唔到 Sony 把設計移植到 10.1 吋 Xperia Z4 Tablet（下稱: Z4 Tablet）身上，雖然尺寸更大，但機身拿起依然不覺重，因為重量只有 393g，實際比 Z3 Tablet Compact 僅重 100g 左右，加上機身仲要再薄，如果同 Z2 Tablet 相比差異實在太大。此外，Z4 Tablet 防水設計都有改良，重點係 Micro USB 再冇防水蓋，只要把 MicroSD / SIM 槽關閉就可浸水，符合 IP68 防水防塵標準，基本上浸（淡）水 1 米 30 分鐘問題不大。
▲ 雖然屏幕增至 10.1 吋，但機身依然非常輕薄，單手拎起都唔覺重。
▲ 機身厚度比 8 吋時更薄。（保留前置喇叭設計。）
▲ 機上只剩 MicroSD 及 SIM 卡槽的防水蓋。
▲ 防水設計加強後，即使 Micro USB 外露都可直接浸水。
2K 屏幕偏藍 可微調
雖然 Z4 Tablet 都依舊為 10.1 吋，但重點係這次升級至 2K Triluminos 屏幕，正當大家諗住 Sony 咁遲先有 2K（2,560 x 1,600）屏幕效果一定不容忽視，但事實佢同小編 係 MWC 時睇的差唔多，畫面都係明顯偏冷偏藍。不過，Sony（比 LG）聰明地方係提供「白平衡」設定，只要拉高紅及綠色就可以「冇咁藍」，但夠唔夠白就要自己慢慢試。
▲ Z4 Tablet 賣點之一係換了 2K Triluminos 屏幕，但可惜跟已偏藍的 Yoga Tablet（右）比較，畫面偏藍情況更明顯。
▲ 幸好 Sony 幾內提供「白平衡」設定，只要把紅及綠色拉高 70，畫面就會冇咁藍。
目前最強規格 仲支援中港 4G
作為旗艦平板 Z4 Tablet 內置目前最強 Qualcomm Snapdragon 810 處理器及 3GB RAM，於 Antutu 錄得約 59,000 分，成績跟 Galaxy S6 及 Nexus 9 接近，再配合 Android 5.0 及 Sony 介面操作非常順暢。此外，香港發售 Z4 Tablet 只有 LTE 版本，可以「打電話」及支持 4G LTE（FDD / TDD）中港制式，再加上還有 WiFi ac 制式，上網想快絕對唔成問題。（其實得 5GB Data 都係慢啲好）
▲ 搭載 Qualcomm Snapdragon 810 處理器及 3GB RAM，於 Antutu 測試錄得 59,000 分，性能絕對不用懷疑。
▲ 3GB RAM 閒置時大約有 1.5GB Free RAM。
▲ 內建 32GB 儲存空間（可加 MicroSD），實施可用大約有 18.7GB。
▲ 預載 Android 5.0 及 Sony UI 介面。
▲ 內建 6,000mAh 電池，官方聲稱可連續播片 17 小時。另外機內還設 Stamina Mode 令續航力更強。
▲ 前後鏡頭分別有 800 萬及 500 萬像素，拍攝選項亦非常多。
▲在下午拍攝（ISO 40），相片雜訊及「油畫」問題都頗明顯。（評級：純記錄用途）
多了 LDAC、可駁鍵盤
其實 Z4 Tablet 好多功能 Xperia Z3 Tablet Compact 早已有，包括 PSN 可把 PlayStation 4 畫面串流到 Tablet 及內建 Hi-Res 音效（24Bit / 192KHz），而硬件上唯一分別係多了 LDAC 藍牙制式，配合 LDAC 耳機 / 喇叭便可享有更高的無線音質。其次，Z4 Tablet 還多了一個「鍵盤 Docking」的配件，可讓用家處理文書工作，鍵盤屬藍牙連接，底部設 TouchPad，設計跟 Windows Tablet 的差唔多，打字感覺普通。不過，小編 覺得要係 Android 搵返適合輸入法才是重點，不然有 Office 365 都冇用，除非你唔打中文。
▲ 可串流 PlayStation 4 畫面到 Z4 Tablet 上，音效支援 Hi-Res Audio，藍牙並支持 LDAC 格式。
▲ Z4 Tablet 附設藍牙鍵盤配件，設計跟 Windows Tablet 的差唔多。
▲ 預載 Microsoft Office 可讓用戶處理文書工作。
▲ 有 Keyboard 打字雖然更方便，但對香港用家最困難其實係搵到適合中文輸入法。
小編 ：很強的 Android 平板，同價位選擇多
Xperia Z4 Tablet 承繼 Xperia Z3 Tablet Compact 優點，無論設計、規格及功能都幾乎「冇得輸」，小編 認為佢甚至稱得上目前最強 Android Tablet。不過，此機弱點係價錢定位，因為 $5,398 對 Android 平板來講都幾貴，雖然佢娛樂工作兼備，但大家肯定會拎埋其他同價選擇來比較，例如 iPad Air 2 64GB LTE（$5,688）或 Surface 3 128GB 連 Keyboard（$5,736），而考慮重點係大家熟習用邊個系統，小編 為例我只會用 Windows 及 Android，但二選一我會選 Surface 3，因為 Android 對我來說只係娛樂用途，要買我寧願選擇 8 吋的 Xperia Z3 Tablet Compact（WiFi）(如果 Z4 Tablet 有 WiFi 尚可考慮)，原因係更輕同便攜，我諗唔會太多人會帶 2 部 10 吋以上裝置出街吧！當然你如果唔介意娛樂工作同時在 Android 平台度做，咁 Xperia Z4 Tablet 會一步到位，但要留意「Keyboard + Office 365」套裝需多付 $1,000 即 $6,398。
售價：$5,398 / $6,398 (連 Keyboard + Office 365 1年)
查詢：Sony（8203 8863）
分享到 :
最新影片
