相信大家都睇過我們早前的 Surface 3 同埋之前的 Surface Pro 3 平板的試用體驗，不過齋睇我們記者試機，點都唔及大家自己親身體驗咁好。Microsoft 上星期就在旺角電腦中心開設了全港首個「Microsoft 體驗區」，唔只可以試盡所有 Microsoft 產品，據 Microsoft 香港有限公司消費及零售業務部總監黃鉅添先生表示，日後這裡更是全港首個可以體驗 Windows 10 功能的地方哩！
這個「Microsoft 體驗區」，顧名思義就是體驗所有 Microsoft 產品的地方，當中除陳列了 Microsoft 旗艦產品，例如：Surface 3 或其他 Surface 系列平板、Lumia 640 或其他 Lumia 系列手機、以及 Xbox One 家用遊戲機外，更展示了多款採用 Windows 作業系統的個人電腦及平板供大家試用。另外，體驗區更展示了最新的配件，供大家隨便試用。
▲Microsoft 體驗區位於旺角電腦中心三樓樓梯口位，一上來就見到，大大個 Microsoft logo 好易認。
▲Microsoft 體驗區開幕當日，更請得旺角電腦中心代表第一太平戴維斯物業管理有限公司資產管理助理董
▲Microsoft 體驗區內有齊所有 Microsoft 產品，大家可以慢慢任試，如果合用，更有職員協助大家上 Microsoft 網上商店購買，然後大家就可以回家，靜待新品送上門就可以了，唔洗自己拎番屋企咁麻煩。
▲最新大熱、又輕薄又可以平板電腦兩用的 Surface 3 平板，連同 TypeCover 3 鍵盤保護蓋及 Surface Pen 成套都有得試哩！
▲開幕當日更請來心穎 BB 來親身體驗，她與主持 chit-chat 交流表示最愛是紅色 TypeCover 3 鍵盤保護蓋，因為真係好靚。她更大讚 Surface 3 十分輕便，每日返電視城都會用佢來睇劇本，閒暇時又會拿來煲下劇輕鬆下添！
相信有留意 unwire 報導的讀者都知道，Microsoft 將會在今年稍後時分，推出 Windows 10 及 Office 2016，而在 Microsoft 體驗區開幕當日，我們就訪問了 Microsoft 香港有限公司消費及零售業務部總監黃鉅添先生，他表示這個體驗區將會是全港首個體驗 Windows 10 及 Office 2016 的地方，只要當相關產品正式推出，大家就可以前來這個體驗區親身試玩。
▲據 Microsoft 表示，當 Windows 10 及 Office 2016 正式在香港推出時，這個體驗區亦可以試玩。
▲Microsoft 香港有限公司消費及零售業務部總監黃鉅添（Chester）表示，希望 Microsoft 體驗區可以為每個到來的人，度身訂造及教授他們希望知道的電腦知識，令他們可以在生活及工作中盡用最新裝置的功能及享受雲端服務帶來的方便。
受保護的文章：Draft: 必睇 iPhone 16 出機攻略 | TRADE-IN 靚價情報︰豐澤iPhone TRADE-IN 價比專門店高出 $2,600^！
此外，今時今日的電腦系統，講難唔算難用，但講易，都唔係人人都識用所有功能，尤其是隨著雲端服務愈來愈流行，對於某些人來講，要自學這些服務，都會有點困難。Microsoft 開設這個體驗區，除了讓大家體驗相關產品外，更會提供一對一及一對多人的課堂，前者大家只須透過網站預約，到時間就前來體驗區，就有專人為你授課；而後者，Microsoft 會將所有課堂資料放在網站，大家看到合適的課堂，無須預約只要屆時 walk-in 體驗區，就可以學到相關知識，十分方便哩！
▲未來 Microsoft 體驗區將設有一對一學堂，可因應用家需要及背景，由 Microsoft 產品專員教授與用家有切身需要的課程。
▲Microsoft 亦會設有一對多人的課程，而且唔洗預約，上網睇啱時間，walk-in 就可以學到嘢。
除了 Microsoft 體驗區外，當日 Microsoft 更宣佈推出全港首個 24 x 7 網上 Trade-in 服務：Microsoft Store 全天候網上 Trade-in 計劃！如果大家對 Microsoft 產品打算入手，但又想同時 trade 走舊產品，只要到 Microsoft 網上商店，填入相關舊產品的資料，就可以即時知道 Trade-in 價是多少。如覺得合適，就可確認資料，Microsoft 就會搵專人上門收取舊產品。以小編所知，如果大家擁有 Surface 2 或者 Surface RT，又或者 iPad Air Wi-Fi 128GB 平板，打算升級至 Surface 3 或轉購其他 Microsoft Store 產品，前兩部機 Trade-in 價可高達 HK$2,000，後者 Trade-in 價更高達 $2,850 哩！至於現在用 iPhone 5s 64GB 手機，想換番部 Lumia 手機來用，Trade-in 價亦高達 $2,060，都算唔錯啦。
及後，大家就會收到確認電郵及電子優惠券，此時大家就可以登入 Microsoft 網上商店購買心儀的 Microsoft 產品，並在結算時使用電子優惠券，就可以用優惠價買到新產品，Microsoft 亦會安排速遞將新產品送上門。換言之，全程大家足不出戶，都可以完成整個 Trade-in 交易，既方便又環保。
▲Microsoft 還提供網上 Trade-in 服務，大家足不出戶都已經可以 trade 走舊產品並購買新 products。
▲Microsoft 網上商店亦有提供整個流程供大家參考。
受保護的文章：Draft: 必睇 iPhone 16 出機攻略 | TRADE-IN 靚價情報︰豐澤iPhone TRADE-IN 價比專門店高出 $2,600^！
