Sorry，依莉詩上次去香港的海賊王 3D館影相影到穿晒崩，俾編輯話我唔識影，今日我就要嚟個大平反，帶大家衝出香港，來到澳門十六浦，率先幫大家找出影靚相秘笈。
相片比例要調好
根據上次經驗，要影到 3D 效果最緊要先效好相機的長闊比，而今次小編棄用廣角鏡，選擇用了 70D 同 18-135mm kit 鏡去試影。基本上大部份的場景以 3:2 的比例拍攝都可以完全收錄。
▲ 在「浪漫戀人」的主題入面的 3D 畫都較其他主題獨立，闊度亦較短，所以使用 3:2 的長闊比會比較適合。
▲ 要影得似在畫入面，偶然要 zoom 近少少，不用把成個場景攝入畫面。
黑牆黑天花，穿崩都唔怕
如果是三面的 3D畫天花和兩畫斜角會穿崩是很難避免，幸好今次館內的牆和地板都以黑色為主，所以就算穿崩都唔怕。不過，可能小編來到的時候還未正式開幕，所以還未有最佳拍攝位置的指示，要影到立體效果就要花更多的時間找角度啦！
▲ 既然來到澳門，當然要影下「澳門 3D 之旅」的主題，但要相片影得獨一無二就要考下擺 post 的心思啦！
▲ 如果想減少 3面 3D畫的穿崩位，可以盡量拍少一點地板，而選擇影多少少黑的天花。
表情動作要夠誇
這個其實唔需要點講，影 3D 畫的 post 同 表情一定要誇張，盡量張動作放大，唔係影來都無意思。不過，現在還未有示範圖貼在牆上，所以要擺咩 post 先可以將自己融入在畫入面就要大家多多發揮啦。
▲ 今次館內有亞洲首個「MJ 3D 展」，如果想同 MJ一齊在舞台上熱舞就不要錯過啦！
▲ 此外，「MJ 3D 展」更展出多件 MJ 生前使用過的物品及珍藏， MJ 迷萬物錯過！
適度使用閃光燈
基本上場館內每幅畫的燈光都已經 set 好，唔需要額外補光都要有立體效果，但今次有一些好似「3D 侏羅紀」的 3D畫是延伸到整條長廊，中間沒有斷開。這個設計當然好，不但減少左右的穿崩位，更可以企在不同位置親親恐龍。不過，亦因為可以企在多個位置都可以拍攝，所以偶然開閃光燈，補一補光突出人物也是需要的。
▲ 「3D 侏羅紀」更加入模擬恐龍的聲效，令大家有如置身侏羅紀的世界。
▲數之不盡的恐龍在長廊兩邊準備攻擊你，大家要小心啊！
運用道具更逼真
要逼真，除了就岩角度同擺出誇張的 post，利用現場的道具亦是好方法。場內不少 3D畫都有立體的道具可以用，不過用完記得放回原位，等下一個都有得用嘛！
▲ 「中華文化」的展區內有多種道具，等小編亦用毛筆簽番個名先。
兩個人去必帶腳架
同香港的 3D館不同，這裹除了單人的 3D畫外，亦有一些雙人的主題。如果是情侶一齊去的話，最好就帶支腳架自拍啦！
▲「法國風情」同「浪漫戀人」都有好多浪漫的場景，適合情侶拍攝呢！
小心俾恐龍嚇親！
澳門館其中最大特色就是加入了互動科技元素，除了恐龍的聲音，更利用 AR，把你和恐龍放在同一空間，讓小朋友更加投入。
▲ 2樓電梯旁有一隻立體的恐龍模型，逼真到小編經過幾次都俾佢嚇親。
▲ 加入了 AR元素的互動遊戲。不過現場環境太黑，加上投射出來的恐龍動作太快，要合照確實有難度。
▲ 這個互動人像金幣牆很有趣，只要拍攝自己的頭像，就會製成金幣跌在螢幕上，金幣更會隨自己的動作而移動。
依莉詩：「更大！更易影！」
澳門館的面積有 18,000 平方尺，比香港館大兩倍，而且樓底比較高，好多畫都是連埋，所以無咁易影到穿崩。不過，小編覺得今次加入的互動科技元素就有待改善，環境太黑，螢幕像素又不高，想影得靚都有 D 難道。
Leave a Comment