今日美國早上 LG 發佈全新 G4 旗艦手機，剛才報導大家 G4 會用皮革機背、新處理器又相機等等，但究竟 G4 實際同 G3 相比有咩分別呢？
這次 LG G4 會採用 Qualcomm 另一顆 Snapdragon 808 新處理器，型號上佢比 G Flex 2 的 Snapdragon 810 低階，內部只有 4 顆 Cortex-A53 及 4 顆 Cortex-A57 合共 6 個核心，而且 GPU 亦降級至 Adreno 418，簡單說即性能會比 Snapdragon 810 低，但好處可能係更省電及低熱量 (即 810 太熱?雞肋？)。不過，總括來說性能及功耗都會比 G3 (Snapdragon 801) 優勝。
自 G3 引入 Laser AF 後，這次 G4 將會集中強化相機體驗，當中稍有驚喜係終於有手動模式 (M Mode)，可讓用戶自行選擇 ISO 及快門數值，令操作更似相機及支持慢快門，其次還有 RAW 檔輸出。硬件方面，G4 用了 1/2.6 吋 1,600 萬像素 Sensor 及 F1.8 大光圈，Sensor 體積比 Z3 的細小小，加上配合 OIS 2.0 三軸防震及全新顏色 Sensor，無論新手及老手都有更大拍攝彈性。最後，G4 為迎合 Selfie 潮流前鏡頭會升級至 800 萬像素，以上種種條件跟 G3 都算是大躍進。
去年 G3 已率先使用 2K 屏幕，雖然 G4 未有升級至 4K 解像度，但技術上它用了 Quantum IPS 屏幕，重點有 3 個！第一係亮度更高 (光 25%)；第二係色域更闊，對比度更高，簡單說即顏色更靚 ；第三係更省電。因此 G4 的 Quantum IPS 是彌補初代 2K (G3) 屏幕不足。
G3 推出時機內都新增 Smart Clean 及 Smart Notice 兩個功能，而這次 G4 的 UX 介面還會加入 Gallery Timeline (睇相)、smart bulletin (多工轉換)、event pocket (日曆) 及 Quick Help (助手) 等新 App。不過，講到最吸引係 G4 可獲 2 年 100GB Google Drive 雲端空間，變相連 NAS 都可以慳返。不過，體驗上就好似同 G3 相差唔遠。
今年好多新機都用金屬設計，但 G4 就反高潮轉用皮革機背，承繼 G3 極佳手感設計，這個配搭其實唔差，而且又有多達 6 款顏色選擇，老實講驚喜唔大，但起碼睇機背都知你果部唔係 G3 先喇！此外，廠方還少有唔設計得更薄，反而加大電池容量 (3,000mAh 可替換) ，這點都值得讚下。
睇完 LG G4 發佈會，驚喜唔係冇，但感覺好似係唔多夠，可能 G2 至 G3 太震撼吧！個人來說，小編 欣賞佢相機部分，又加入手動模式，體驗係會比之前好得多，但其他部分 (尤其係軟件）其實加到 G3 都可有相似體驗，加上外觀上只係換了皮革機背，這點同今年主打新金屬機相比係遜色一點。
