印象中 BenQ 出過顯示器、Netbook 及相機，但手機就係香港就極少見，而這次接觸的 F5 係一部中價手機，賣點 $2,000 以下有 2GB RAM 及 16GB 儲存空間，而且還有 4G LTE 網絡。（以下有更多資料。）
BenQ F5 係一款 5 吋中價手機，設計想模仿金屬邊框，但實際感覺都頗「膠」，感覺有點似 Lenovo 風格，單手操作冇大問題，而唯一好處係夠輕。此外，機背設計可以拆蓋，裡面可插入 1 張 Micro SIM 及 MicroSD，但內建 2,520mAh 電池不能替換。
平價手機近年配置都大同少異，而 BenQ F5 就一樣搭載 Qualcomm Snapdragon 400，但不同是它配備了 2GB RAM 及 16GB 儲存空間，這配置已拍得住 $2,000 多元的機種，縱使性能慢一點，但起碼唔怕冇位裝 Apps or「彈 App」。此外，F5 配備 5 吋 720p IPS 屏幕，畫面稍為偏藍，驟眼睇唔算太差。最後，此機可對應香港 4G LTE 網絡 ( 1800Mhz) 及中國 TD LTE 網絡。
▲ 搭載 Qualcomm Snapdragon 400 及 2GB RAM，於 Antutu 錄得約 18,000 分。
▲ 支援本地 4G LTE 網絡。(註: 官方聲稱兼容中國移動 4G 網絡。)
▲ 在正常模式下，畫面尚算細緻，但顏色較為偏藍。
▲附低藍光模式，可把屏幕調至偏暖色溫 (偏紅)。
F5 配備一顆很「的骰」的 1,300 萬像素主鏡頭，雖然用的是 Sony 感光元件，但老實說都唔抱有期望，而事實出來相片亦只屬一般，即使 ISO 100 感覺亦有點「爛」，質素都係離唔開「純網上分享」。不過，值得嘉許係拍攝介面有很多選項，由 ISO 值、曝光補償及消除橫紋，而且模式仲包括「高感光」及「一按即拍」，功能甚至比大廠機還多，只可惜鏡頭未能配合。
▲ 這個 1,300 萬像素鏡頭用了 Sony 感光元件，但體積相當「的骰」。
▲ 拍攝介面選項非常多，由 ISO 、曝光補償等都應有盡有。
▲ 日光環境 ISO 100 設定拍攝，相片都感覺很粗糙及有點雜訊。
雖然 F5 預載 Android 4.4 版本，但內建「QHome UI」用落感覺好「懷舊」，例如開機就見到 Galaxy S4 年代的氣球 Wallpaper，其次 UI 不設程式集，轉 Wallpaper 都要進入設定才行，體驗好似幾年前的設計。
▲ 令人懷念的 Wallpaper 風格….
▲ 介面不設程式集，而新裝的 App 會放置在 Folder 內。
▲ 內建一些 BenQ 自家 App，包括了 Memo 及洗費管理。
▲ Quick Setting 幾乎包含所有選項，感覺有點亂。
單純規格 BenQ F5 唔差，即使「QHome UI」唔好用都可加 Launcher 解決，但考慮阻力始終係「個樣」同「價錢」，畢竟 $1,780 接近價位有 Zenfone 2 (32GB) 等強敵，除非你非要 TDD LTE 兼容不可，不然選擇還有很多。
售價: $1,780
查詢：銀河通訊 (2372-9233)
