大拿拿幾千蚊買部心機，最心痛係乜？俾人偷？No No No！俾人偷咗最多咪買過部，小編覺得最心痛莫過於跌爛芒但又跌唔壞部機，結果又唔捨得換過部新，結果日日對住部機「鞋鞋聲」。最近就有代理引入 iWALK Chameleon immortal i6 呢款充電保護殼，擁有防撞功能，咁樣大家就算跌落地都唔驚咁易跌爛芒啦。
特別設計通過美軍防撞測試
iWALK Chameleon immortal i6 最特別的地方，就是它的設計。作為防撞殼，它在殼身四個邊角均設有防震軟膠，令 iPhone 6 不慎跌落地下時可以有充足保護性，令對手機的傷害減至最低。它的防撞效能還通過了美國軍方 810G-516.6 防撞測試標準，可說是信心保證。
比一般防撞殼更貼身薄身
相信唔少用過防撞殼的 unwire 讀者都知道，好多人抗拒用呢種殼的原因，就係一般都為咗加強防護性能，都設計得好厚好 bulky。你知啦，本身 iPhone 就係 sell 潮 sell 薄，加個厚到死的殼，真係即刻印象分大減！iWALK Chameleon immortal i6 就好唔同，佢的機殼厚度都只係 12.9mm，相比 iPhone 6 的 6.9mm 厚度厚咗都無一倍，自然唔會影響使用手感。加上殼身重量都係 83g，加埋 iPhone 6 本身的 129g 重量，一啲都唔算重（以加咗防撞殼來講）。而且機殼下方與 iPhone 6 長度相比只係差 1cm，就算加咗個殼，既可以有周全防護效果，又唔會影響使用手感，更加唔會令部 iPhone 6 失去潮味。此外，機殼兩邊更採用橡膠物料，除了增加手感舒適度，更加入防滑設計，有效防止用 iPhone 時跣手導致跌手機落地。值得一提的是，immortal i6 本身都同 iPhone 6 本身一樣，設有黑、白及金色選擇，咁樣大家就可以按自己手機的顏色，選購對應顏色的防撞殼了。
內置電池令 iPhone 6 電力倍增！
可能有啲 unwire 讀者都係覺得 iWALK Chameleon immortal i6 都係重咗啲厚咗啲，但其實內裡是有乾坤的，因為佢唔止係防撞殼，仲內置了 2,400mAh 容量 Li-polymer 電池，更配備獲 Apple 認證的 Lightning 接頭，可以為 iPhone 6 提供多一倍電量！而且仲支援邊充電邊放電，無論要為電池殼定係 iPhone 6 本身充電，都唔需要除殼，亦可以直接接駁電腦傳輸數據，十分方便。此外 immortal i6 本身設有獨立開關鍵，可以讓用家隨時選擇是使用 iPhone 6 本身電池定係電池殼的電源；而且機身前方設有 LED 電池容量顯示燈，設 3 段式電量顯示，電池殼何時沒電，就心中有數啦。
為 iPhone 6 度身訂造‧直、彎頭耳機都用得
此外，iWALK Chameleon immortal i6 電池殼更是為 iPhone 6 度身訂造，無論是開關鍵、音量鍵及靜音鍵、以及機背相機的位置，均與 iPhone 6 本身一模一樣，無需擔心加上防撞電池殼後會影響使用體驗。此外，它的耳機開孔位亦十分體貼，無論是直插還是彎插耳機頭均可相容，是防撞殼當中獨有的設計，就算耳機插頭是 L 型都照用可也，無須使用延長線。此外，殼側更提供了 micro USB 端子供用家充電或連接電腦進行數據傳輸之用，以後大家就可以將 Lightning 線放在家，帶一條 micro USB 線出街就 OK 了，對於同時擁有 iPhone 及 Android 手機的「雙槍將」用家，極為體貼。
售價：$428（黑 / 白 / 金色同價）
查詢：Everbest（2541 2982）
分享到 :
最新影片
