Microsoft 的 Windows 10，始終要今年年底才推出，所以今年的 MWC，就只推出了兩部入門級手機：Lumia 640 及大芒版的 Lumia 640 XL。究竟兩部入門 WP 使用起來感覺如何？天恩就在現場為大家初步測試過。
終於有 1GB RAM
不少過往 WP 的入門級手機，記憶體也偏少，只有 512MB 左右，實在唔係好夠用。今次的 Lumia 640 及 640 XL，就終於加到有 1GB RAM，雖然手機是否順暢很難一概以手機 RAM 多少而論，還要看手機廠本身介面是否寫得好，以及使用的 APP 是否食 RAM。不過手機多 RAM 一點，可以同時使用的程式數量也多點，方便「花心」需要同時使用幾個程式的用家吧。另外，今次 Microsoft 一如既往，會內建 Office 365 在 Lumia 640 及 640 XL 內，以及擁有多一個授權在 PC 或平板上使用 Office 365、1TB OneDrive 雲端儲存空間及每月 60 分鐘 Skype 通話分鐘。以上優惠用家均可免費使用一年。
手感真「入門」偏「玩具」
至於手感方面，相信大家都唔會對一千幾百的手機有太高期望吧。事實上今次的 Lumia 640 及 640 XL，前者機背就用了一般入門機慣用的光面塑膠殼，而後者就採用了磨砂塑膠面，手感都係偏「玩具」。
熒幕質素唔錯但可視角度低
同樣地，入門級手機熒幕質素一般都唔會高，不過今次兩部 Lumia 640 及 640 XL，熒幕質素卻比想像中好，可能與它始終有 720 x 1280 解像度有關，所以無論文字定係相片都算清晰。不過可視角度就超低，只要側啲咁睇個熒幕，已經好似貼了防偷窺貼般睇唔到。
有 3G / 4G 版 + 有單 SIM / 雙 SIM 版 + XL 採用蔡司鏡頭
唔少入門手機都只係支援 3G 網絡，而且一般都有雙卡雙待功能。而今次 Microsoft 推出的 Lumia 640 及 640 XL，兩部機都設有 3G 及 4G 版本，也同時設有單 SIM 及雙卡雙待版本，讓用家可以按個人需要選購。值得一提的是，一般入門手機影相質素都只係一般般，但今次大芒版的 Lumia 640 XL，鏡頭竟然有 Carl-Zeiss 蔡司鏡認證！呢一點，認真令天恩意外。（雖然有名廠鏡認證唔等於影相質素好……）
售價：
Lumia 640：3G – 139 元歐羅（約 HK$1,209）；4G – 159 元歐羅（約 HK$1,383）
Lumia 640 XL：3G – 189 元歐羅（約 HK$1,644）；4G – 219 元歐羅（約 HK$1,905）
分享到 :
最新影片
